ශ්රී ලංකාවෙන් බිහිවූ විශිෂ්ටතම ක්රිකට් ක්රීඩකයෙකු මෙන්ම අත්දැකීම් බහුල ක්රිකට් පරිපාලකයෙකු වන රංජිත් ප්රනාන්දු මහතාගේ ජීවිත ගමන අලලා ලියැවුණු ස්වයං චරිතාපදානය කොළඹදී උත්සවාකාරයෙන් එළිදැක්වුණා.Sri Lanka Latest News
මෙම අවස්ථාව මෙරට ක්රිකට් ඉතිහාසයේ රන් මතකයන් යළි අවදි කළ සුවිශේෂී සැන්දෑවක් බවට පත් විය.
මෙම උත්සවය සඳහා දේශීය ක්රිකට් තරු මෙන්ම ජාත්යන්තර ක්රිකට් ලොව සුප්රකට ක්රීඩකයින් රැසක් ද සහභාගී වීම විශේෂත්වයකි.
ශ්රී ලාංකීය ක්රිකට් ක්රීඩාවේ උන්නතිය උදෙසා විවිධ යුගයන්හි කැපී පෙනෙන මෙහෙවරක් කළ ප්රවීණ චරිත රැසකගේ එකමුතුවක් මෙහිදී දැකගත හැකි විය.
මෙම ග්රන්ථය තුළ මෙරට ක්රිකට් ක්රීඩාව ජාත්යන්තර තලයට ඔසවා තැබීමට නායකත්වය දුන් ගාමිණී දිසානායකයන් ප්රමුඛ සුවිශේෂී නායකයන් පිළිබඳව අන්තර්ගත වේ.
විශේෂයෙන්ම, ශ්රී ලංකා ක්රිකට් ක්රීඩාවට නව මාවතක් පෙන්වා දෙමින්, එය ජාත්යන්තර මට්ටමට රැගෙන යාමට මූලිකත්වය ගත් ප්රබල නායකත්වය පිළිබඳව මෙහිදී ගෞරවයෙන් සිහිපත් කර ඇත.
රංජිත් ප්රනාන්දු මහතා පවසන පරිදි, ක්රිකට් ක්රීඩාව යනු හුදෙක් ක්රීඩාවක් පමණක් නොව, එය විනය, කැපවීම සහ නිවැරදි නායකත්වය තුළින් ගොඩනැඟුණු දීර්ඝ ගමනකි.
එම ගමනේදී තමන්ට සහාය වූ සහ මග පෙන්වූ සියලුම දැවැන්ත චරිත පිළිබඳව මෙම කෘතිය හරහා ඔහු සිය කෘතඥතාව පළ කර තිබේ.
ශ්රී ලාංකීය ක්රිකට් ලෝලීන්ට මෙන්ම ක්රීඩාව හදාරන නව පරපුරට ද මෙම ග්රන්ථය ඉතා වටිනා අත්දැකීම් සමුදායක් වනු නොඅනුමානය.
