එක්සත් ජාතික පක්ෂ නායකත්වයට සිය මස්සිනා වන රුවන් විජයවර්ධන මහතා පත්කිරීමට අද (14) පැවැති කෘත්යාධිකාරී මණ්ඩඩල රැස්වීමේදී පක්ෂ නායක රනිල් වික්රමසිංහ මහතා ගත් උත්සාහයක් පක්ෂ ජ්යෙෂ්ඨයන්ගේ දැඩි විරෝධය මැද හකුලා ගැනීමට වික්රමසිංහ මහතාට සිදුව ඇත.
එහිදී පක්ෂ නායකත්වය පිළිබද මාතෘකාව ඇදී ආ අවස්ථාවේදී වික්රමසිංහ මහතාගේ අනුදැනුම මත ආශු මාරසිංහ මහතා රුවන් විජයවර්ධන මහතාගේ නම යෝජනා කර ඇත. එය ස්ථිර කොට ඇත්තේ සමන් රත්නප්රිය මහතා විසිනි.
කෙසේවෙතත් රුවන් විජයවර්ධන මහතාගේ නම යෝජනා වීමත් සමග පක්ෂ ජ්යෙෂ්ඨයන්ගේ දැඩි විරෝධය ඊට එල්ල වී තිබේ.
ඔවුන් පෙන්වා දී ඇත්තේ රුවන් විජයවර්ධන යනු අතිඅසාර්ථක දේශපාලන චරිතයක් බවත්, බාර දුන් කිසිදු කටයුත්තක් රුවන් සාර්ථකව අවසන් කොට නොමැති බවත්ය.
බියගම ආසනය රුවන් විජයවර්ධන විසින් විනාශ කළ බව එහිදී පෙන්වා දී ඇති ජ්යේෂ්ඨයන්, රුවන් ආරක්ෂක රාජ්ය අමාත්ය ධූරය දැරූ සමයේ පාස්කු ප්රහාරය එල්ල වූ බවත්, ඒ සම්බන්ධයෙන් කිසිදු පියවරක් ගැනීමට විජයවර්ධන මහතා අපොහොසත් වූ බවත් පෙන්වා දී තිබේ.
කෙසේවෙතත් මේ ආකාරයට රුවන් විජයවර්ධන මහතා රනිල්ගෙන් පසු පක්ෂ නායකත්වයට ගෙන ඒම සදහා තිරය පිටුපස මෙහෙයුම සම්පූර්ණයෙන්ම දියත් කර ඇත්තේ රනිල්ගේ සහෝදරයකු වන චන්න වික්රමසිංහ මහතාය. (ඒ සම්බන්ධයෙන් විශේෂ හෙළිදරව්වක් ඉරිදා මව්රට පුවත්පතේ ‘රාජ්ය රහස්’ තීරයේ පළවේ.)
මීට අමතරව කෘත්යාධිකාරී මණ්ඩල රැස්වීමේදී ජාතික ලයිස්තු මන්ත්රී ධුරය පිළිබදවද සාකච්ජා වී ඇති අතර එහිදී දින නියමයකින් තොරව එම පත්කිරීම කල් දැමීමට පක්ෂය තීන්දු කර ඇත.
