සමගි ජන බලවේග ප්රධාන කාර්යාලයේ පැවැති මාධ්ය හමුවට සහභාගි වූ බොරැල්ල ආසන සංවිධායක නීතිඥ රජිත ලක්මාල් මහතා,Sri Lanka Latest News
වැඩිදුරටත් අදහස් දැක්වූ ඒ මහතා මෙසේද පැවැසීය,
‘‘අනුර කුමාර දිසානායක ජනාධිපතිවරයාගේ පාලන තන්ත්රය විසින් ගෙනයනු ලබන එකිනෙකට පරස්පර වැඩකටයුතු හේතුවෙන් රටට ලැබිය යුතු සහ රට ඉදිරියට ගෙනයාම තිබෙන අවස්ථා අහිමි වී තිබෙනවා.
ඒ වගේම රටේ ඇතිවුණ ව්යසනකාරී තත්ත්වයත් සමඟ ජනාධිපති අනුර දිසානායක මහතා හදිසි නීති තත්ත්වයක් ප්රකාශයට පත්කරනු ලැබුවා. කෙසේ නමුත් ජනාධිපති අනුර දිසානායක මහතා හදිසි නීති තත්ත්වයක් රට තුළ ප්රකාශයට පත් කිරීමට පෙර රටට හදිසි නීති තත්ත්වයක් ඇති කළ යුතු බව මුලින්ම ප්රකාශ කළේ විපක්ෂ නායක සජිත් ප්රේමදාස මහතායි. ඒ වගේම හදිසි නීතිය ගෙන ඒමේදී ආපදා පනත යටතේ හදිසි නිතිය ගෙන එන ලෙසයි විපක්ෂය ප්රකාශ කළේ. නමුත් විපක්ෂය ප්රකාශ කළ දේවල් පිළිබඳව නිසි අවදානයක් යොමු කරන්න ආණ්ඩුව කටයුතු කළේ නැහැ. නමුත් ආණ්ඩුව මහජන ආරක්ෂක පනත යටතේයි හදිසි නීතිය ගෙන ඒමට කටයුතු කරනු ලැබුවේ. ඒ වගේම මාසයක් තුළ හදිසි නිතිය ගෙන ඒමේ යෝජනාව පාර්ලිමේන්තුවට ඉදිරිපත් කළ යුතුයි. පාර්ලිමේන්තුවේදී එම යෝජනාව සම්මතවිය යුතුයි. ඒ වගේම මහජන ආරක්ෂක පනත යටතේ හදිසි නීතිය තවත් මාසයකින් දීර්ඝ කිරීමට කටයුතු කර තිබෙනවා.
ඒ වගේම රට තුළ හදිසි ආපදා තත්ත්වයක් නැති බව ආරක්ෂ අමාත්යාංශයේ ලේකම්වරයා ලිපියක් යොමු කරමින් සඳහන් කරනවා. කෙසේ නමුත් රට තුළ ආපදා තත්ත්වයක් නැද්ද යන්න ප්රශ්නය මේ ලිපිය හරහා මතුවෙනවා. නමුත් රටට බලපැ ව්යසන තත්ත්වය හේතුවෙන් මේ වනවිට අවතැන් කඳවුරුවල විශාල පිරිසක් රැඳි සිටිනවා. ඒ අනුව බදුල්ල දිස්ත්රික්කයේ 3355 ක් , නුවරඑළිය දිස්ත්රික්කයේ 2630 ක් , කැගල්ල දිස්ත්රික්කයේ 1323 ක් , මහනුවර 1687 ක් , මාතලේ 365 ක් තවමත් අවතැන් කඳවුරුවල සිටිනවා. මෙම පිරිසට ඔවුන්ගේ නිවාස අහිමි වෙලා අත්තඅසරණ තත්ත්වයට පත්ව තිබෙනවා. මෙවැනි තත්ත්වයක් රට තුළ තිබියදී රට තුළ හදිසි ආපදා තත්ත්වයක් නැති බව ආරක්ෂ අමාත්යාංශයේ ලේකම්වරයා සදහන් කරනවා.
ඒ වගේම රජය ආපදා කළමනාකරණ පනත යටතේ ගත යුතු ක්රියාමාර්ග ගන්නේ නැහැ. ඒ වගේම ආපදා කළමනාකරණය සම්බන්ධයෙන් අමාත්යාංශ අතර සම්බන්ධතාවයක් රජය ඇති කරලා නැහැ. ඒ නිසා ආපදා කළමනාකරණ පනත යටතේ හදිසි නීතිය ගෙන ඒමට රජය කටයුතු කළේ නැහැ. නමුත් දැන්වත් ඒ සම්බන්ධයෙන් කිසිදු පියවරක් රජය ගෙන නැහැ. ඒ නිසා ආණ්ඩුවෙන් මෙවැනි හතරබිරි කතා අහන්න ලැබෙනවා.
ජනාධිපතිවරයා ආපදා තත්ත්වයෙන් විපතට පත් ජනතාව කඩිනමින් මුදල් ලබාදෙන බව පාර්ලිමේන්තුවේදී ප්රකාශ කළා. හිනියට පත් නිවාස සඳහා විශාල මුදල් ආධාර ලබාදෙන බව ජනාධිපතිවරයා ප්රකාශ කළා. නමුත් මේ වනවිට එලෙස ලබාදෙන බව කියු මුදල් ආධාර අඩු කර තිබෙනවා. ඒ වගේම ආපදා තත්ත්වයේදී පවා ආණ්ඩුවේ දේශපාලඥයින් සිදුකළේ දේශපාලනය. කෙසේ නමුත් සමගි ජනබලවේගය ආපදා තත්ත්වයෙන් ප්රයෝජන ගැනීමට කටයුතු කළේ නැහැ. ඒ වගේම ජනාධිපතිවරයා ආපදා තත්ත්වයෙන් විපතට පත් ජනතාවට පොරොන්දු වුණ පරිදි මුදල් ආධාර ලබාදීමට නොහැකි වී තිබෙනවා. ඒ නිසා ජනතාව තුළින් මතුවන විරෝධය වළක්වා ගැනීමට හදිසි නිති තත්ත්වය දීර්ඝ කිරීමට ජනාධිපතිවරයා කටයුතු කර තිබෙනවා. නමුත් හදිසි ආපදා තත්ත්වයක් රට තුළ නැති බව ආරක්ෂ අමාත්යාංශයේ ලේකම්වරයා සඳහන් කරනවා. කෙසේ නමුත් ජනතාව අගතියට පත් කරන රෙගුලාසි ගෙන ඒමට ආණ්ඩුව කටයුතු කරන්නේ කුමන හේතුවක් සඳහාදැයි ගැටලුවක් තිබෙනවා. ඒ වගේම මෙම කාරණය සම්බන්ධයෙන් ජනතාව දැනුම්වත් කර ජනතාව හරහා මෙම ගැටලු ගෙන ඒමටත් සමගි ජනබලවේගය කටයුතු කරනු ලබනවා.
ඒ වගේම රටේ සියලුම දෙනාට සමානම නීතිය ක්රියාත්මක කරන බව ජනාධිපතිවරයා සහ ආණ්ඩුවේ මැති ඇමැතිවරු දේශපාලන වේදිකාවල පුන පුනා ප්රකාශ කළා. කෙසේ නමුත් ජාතික ජනබලවේගයේ ඇතැම් පළාත් පාලන නියෝජිතයන් නිතියටත් පිටින් ගොස් කටයුතු කරන ආකාරයක් දකින්න ලැබෙනවා. ඒ වගේම රටේ නීතිය සියල්ලට වඩා ඉහළින් තිබෙන බව ජාතික ජනබලවේගයේ පලාත් පාලන නියෝජිතයන්ව දැනුම්වත් කිරීමට ආණ්ඩුවේ මැති ඇමැතිවරු වහාම කටයුතු කළ යුතුයි. නීතියට පිටින් වැඩකටයුතු කළහොත් ඊට එරෙහිව කටයුතු කරන්න සමගි ජනබලවේගය කටයුතු කරනු ලබනවා. ඒ වගේම ආණ්ඩුවේ ක්රියාකලාප හේතුවෙන් අගතියට පත් පිරිස් වෙත නීතියේ සහාය ලබාදෙන්න සමගි ජනබලවේගයේ නීතිඥයි කණ්ඩායම් සුදානම්. කෙසේ නමුත් ආණ්ඩුව මේ ආකාරයට නීතිය අතට ගෙන මර්දනකාරී වැඩපිළිවෙළක් ක්රියාත්මක කළහොත් ආණ්ඩුවේ ආයුෂ කාලය කෙටි වෙයි. ඒ වගේම ජාතික ජනබලවේග ආණ්ඩුවේ අමනෝඥ කටයුතු හේතුවෙන් රටේ ගමන දිනෙන් දින අඩාල වෙමින් තිබෙනවා.
ඒ වගේම විගණකාධිපතිවරයෙක් සඳහා අවස්ථා හතරකදී නම් හතරක් ව්යවස්ථාදායක සභාවට යැවීමට රජය කටයුතු කර තිබෙනවා. නමුත් ව්යවස්ථාදායක සභාව මෙම නම් හතරම ප්රතික්ෂේප කර තිබෙනවා. විගණකාධිපතිධුරය සඳහා සුදුස්සෙකු පත් කර යැවීමට ජනාධිපතිවරයාට දේශපාලන පරිචයක් නැති බවයි මෙයින් පැහැදිලි වන්නේ. ඒ වගේම රටේ විගණකාධිපතිධුරය හිස්ව තිබියදී රටට ජාත්යන්තර ආධාර ලැබෙන්නේ නැහැ. ඒ වගේ විගණකාධිපතිධුරය සඳහා ජනාධිපතිවරයාට හිතවත් පුද්ගලයන් පත් කර ගැනීමට උත්සහ නොකරන ලෙසත් සමගි ජනබලවේගය ජනාධිපතිවරයාගෙන් ඉල්ලා සිටිනවා. ඒ වගේම ආණ්ඩුවට හිතවත් ව්යවස්ථාදායක සභාවක් පත් කර ගැනීමට කටයුතු නොකරන ලෙසත් සමගි ජනබලවේගය ජනාධිපතිවරයාගෙන් ඉල්ලා සිටිනවා. කෙසේ නමුත් ආණ්ඩුක්රම ව්යවස්ථාදායක සභාව යනු රටේ උත්තරීතර ස්වාධින සභාවක්. ඒ වගේම ව්යවස්ථාදායක සභාව හරහා ජනාධිපතිවරයාට අවශ්ය කටයුතු සිදුකිරීමට කිසිලෙසකින්වත් ඉඩක් නැහැ. ඒ නිසා ස්වාධීන තනතුරු සඳහා ස්වාධින පුද්ගලයන් පත් කිරීමට රජය කටයුතු කළ යුතුයි.
ඒ වගේම හදිසි නීතිය දීර්ඝ කරමින් එය මාධ්ය මර්දනයට යොදා ගැනීමට ආණ්ඩුව කටයුතු කරමින් සිටිනවා. ඒ වගේම ජාතික ජනබලවේගයට අවාසිසහගත ලෙස පුවත් ප්රචාරය කිරීම හේතුවෙන් ඇතැම් මාධ්ය ආයතන මර්දනය කරන්න ආණ්ඩුව උත්සහ දරනවා. කෙසේ නමුත් මාධ්ය මර්දනයට ආණ්ඩුව කටයුතු කළෙහොත් එය ආණ්ඩුවේ ඉදිරිගමනට විශාල බලපෑමක් එල්ල වන කාරයක් බවට පත්වෙනවා. එනිසා මාධ්ය මර්දනය කිරීමට කටයුතු නොකරන්නැයි සමගි ජනබලවේගය ඉල්ලා සිටිනවා. ඒ වගේම සමගි ජනබලවේගයට එරෙහිවත් ඇතැම් මාධ්ය විවිධ මඩ පුවත් ප්රචාරය කරනවා. නමුත් එම මාධ්ය ආයතන වර්ජනය කරන ලෙස ජනතාවගෙන් ඉල්ලා සිටින්න සමගි ජනබලවේගය කටයුතු කර නැහැ. ඒ නිසා මාධ්ය ආයතනවලට කරන තර්ජන වහාම නවත්වන්න ආණ්ඩුව කටයුතු කළ යුතුයි. ඒ වගේම සමගි ජනබලවේගය කිසිදු මාධ්ය ආයතනයකට පක්ෂ කටයුතු කරන්නේ නැහැ.‘‘
