දැඩි ජනතා විරෝධය හමුවේ බල්ගේරියානු අග්රාමාත්ය “රෝසෙන් සිලියාට්ස්කොව්” ප්රමුඛ ආණ්ඩුව ඉල්ලා අස්වී තිබේ.Sri Lanka Latest News
මාධ්ය ඔස්සේ ජනතාව අමතා විශේෂ ප්රකාශයක් සිදුකරමින් ඊයේ (11) රාත්රියේ අග්රාමාත්යවරයා ඒ බව නිවේදනය කළේ ය.
ඔහු ප්රමුඛ රජය එලෙස ඉල්ලා අස්වුණේ, අග්රාමාත්යවරයාට එරෙහිව විශ්වාසභංග යෝජනාවක් සඳහා ඡන්දය ප්රකාශ කිරීමට එරට පාර්ලිමේන්තුව සුදානම් වෙමින් තිබූ පසුබිමකය.
බල්ගේරියාව 2007 වසරේදී යුරෝපා සංගමයේ සාමාජිකත්වය ලබා ගත්තද ඔවුන් යුරෝ මුදල් ඒකකය භාවිත කිරීමට නියමිතව ඇත්තේ 2026 වසරේ ජනවාරි මාසයේ සිටය.
පසුගියදා, “රෝසෙන් සිලියාට්ස්කොව්” අගමැතිවරයා ප්රමුඛ රජය, ඉතිහාසයේ පළමු වරට ඔවුන්ගේ මුදල් ඒකකය වන “ලෙව්” භාවිතයෙන් ඉවත් කර “යුරෝ” භාවිත කරමින් 2026 වසරේ අයවැය ඉදිරිපත් කරන ලදි.
මුදල් ඒකක වෙනසට මෙන්ම, නව අයවැයට අනුව රජයේ වියදම් සඳහා අරමුදල් සපයා ගැනීම වෙනුවෙන් සමාජ ආරක්ෂණ දායක මුදල් ඉහළ නැංවීම සහ ලාභාංශ මත බදු වැඩි කිරීමට රජය කල යෝජනාවට ජනතාවගෙන් එල්ල වූයේ ප්රභල විරෝධයක්.
මේ හේතුවෙන් සති කිහිපයක සිට බල්ගේරියානු වැසියන් සෝෆියා අගනුවර ඇතුළු රට පුරා නගර වල විරෝධතා පවත්වන ලදි.
වසර ගණනාවක සිට බල්ගේරියාවේ දේශපාලන අර්බුදයක් පැවති අතර පසුගිය වසර 04 කාලයක් තුළ එරට මහමැතිවරණ 7ක් පැවැත්වුණි.
නමුත් ඒ කිසිදු රජයකට පාර්ලිමේන්තුවේ බහුතර බලය දිනා ගැනීමට හැකි වූයේ නැත.
පසුගිය වසරේ ඔක්තෝබර් මාසයේ පත්වූ රජය ඊයේ ඉල්ලා අස්වීමත් සමග, බල්ගේරියානු ජනාධිපති “රූමන් රාදෙව්” විසින් පාර්ලිමේන්තුව නියෝජනය කරන අනෙක් පක්ෂ වලට නව රජයක් පිහිටුවීමට උත්සාහ කරන ලෙස ඉල්ලා සිටිනු ඇති.
එසේ නොමැතිවුවහොත්, මැතිවරණයක් පැවැත්වෙන තුරු රටේ පාලනය සඳහා ජනාධිපතිවරයා විසින් අන්තර්වාර පරිපාලනයක් පත් කරනු ඇති බවත් විදෙස් වාර්තා වල සඳහන් වේ.
