බණ්ඩාරනායක අරමුදල මගින් ආපදාවෙන් විපතට පත්වූ ජනතාවට සහන සැලසීම සඳහා රු. මිලියන 250ක් ආධාර ලෙස ලබාදී ඇත.Sri Lanka Latest News
■ බණ්ඩාරනායක අරමුදල යනු කුමක්ද?
එය පුද්ගලයකු හෝ පවුලක් සතු අරමුදලක් නොවේ. එස්.ඩබ්.ආර්.ඩී. බණ්ඩාරනායක ජාතික අනුස්මරණ අරමුදල යනු 1975 අංක 02 පනත මගින් ස්ථාපිත රාජ්ය අරමුදලක් වෙයි.
■ මෙම අරමුදලේ කොපමණ වත්කම් තිබේද?
මෙම අරමුදලේ රුපියල් මිලියන 40,000ක් (රුපියල් මිලියන හතළිස් දහසක මූල්ය වත්කම් ඇත)
■ ඒසා විශාල ධනස්කන්දයක් මේ අරමුදල සතුවන්නේ කෙසේද?
බණ්ඩාරනායක ජාත්යන්තර අනුස්මරණ ශාලාවේ (බී.එම්.අයි.සී.එච්.) ආදායම් මෙම අරමුදලට බැර වෙයි. සමහර වර්ෂවල බී.එම්.අයි.සී.එච්. ආයතනයේ වාර්ෂික ආදායම් රුපියල් මිලියන 4000 ඉක්මවා තිබේ.
■ බී.එම්.අයි.සී.එච්. පාලනාධිකාරිය :
★ සභාපති ලෙස ශ්රී ලංකාවේ ජනාධිපති නිල වශයෙන් පත්වෙයි.
★ විපක්ෂ නායක
★ අගවිනිසුරු
★ විගණකාධිපති
★ බණ්ඩාරනායක පවුලේ එක් අයකු හෝ දෙදෙනකු
■ මෙලෙස බණ්ඩාරනායක සම්මන්ත්රණ ශාලාවේ ආදායම් බැරවෙන බණ්ඩාරනායක අරමුදලේ පාලනාධිකාරිය පහත දැක්වේ.
★ ජනාධිපති
★ විපක්ෂනායක
★ විගණකාධිපති
★ බණ්ඩාරනායක පවුලේ කිහිප දෙනකු
එසේ නම් බණ්ඩාරනායක අරමුදල යනු සම්පූර්ණ රජයේ අරමුදලක් වෙයි. එම අරමුදලේ මුදල් වියදමක් ලෙස කරන්නේ නම් ඊට එහි අධ්යක්ෂ මණ්ඩල අනුමැතිය අවශ්ය වෙයි.
එසේ නම් මෙම ආපදා ප්රදානය ජනාධිපති, විපක්ෂ නායක ඇතුළු එහි අධ්යක්ෂ මණ්ඩලයේ තීරණයක් වෙයි.
බණ්ඩාරනායක සම්මන්ත්රණ ශාලාවේ ඉදිකිරීම් 1973 වසරේ නිමවෙන අතර, 1974 වසරේ සිට එහි ආදායම් ඉපැයීම ආරම්භ වෙනවා.
එහි ආදායම බැරකිරීම සඳහා 1975 වසරේ මෙම අරමුදල පිහිටුවනු ලබනවා.
වත්මන් රජය වසර 75ක් දේශපාලනයට ශාප කරන නමුත් රජය සතු බණ්ඩාරනායක අරමුදලේ මුදල් චන්ද්රිකා බණ්ඩාරනායක අතින් වත්මන් අගමැතිනිය වෙත ප්රදානය කර එය බණ්ඩාරනායක පවුලේ ආධාරයක් ලෙස හුවාදැක්වෙන්නට ඉඩ හැර ඇති බව පෙනී යනවා.
මනෝජ් විජේසේකර
