අමාත්යාංශ ලේකම්වරු සහ මුදල් අමාත්යාංශයේ නිලධාරීන් සමග සාකච්ඡාව් සම්බන්ධයෙන් ජනාධිපතිවරයා තබා ඇති ෆේස්බුක් සටහහනක් පහත දැක්වේ.Sri Lanka Latest News
ආපදාවෙන් විපතට පත්වූවන් සඳහා වන්දි ලබා දීමේ කටයුතු කඩිනම් කිරීම පිළිබඳ අමාත්යාංශ ලේකම්වරු සහ මුදල් අමාත්යාංශයේ නිලධාරීන් සමග සාකච්ඡාවකට අද (03) පස්වරුවේ ජනාධිපති කාර්යාලයේදී එක්වීමි.
ආපදාව හේතුවෙන් වන්දි ලැබිය යුතු සෑම ජන කොටසකටම වන්දි ලබා දීමට රජය කටයුතු කරන බවත්, එබැවින් මුදල් බාධාවක් කර නොගෙන වන්දි ලැබිය යුතු සියලු කණ්ඩායම් වෙත වන්දි ලබා දීම වෙනුවෙන් අවශ්ය තොරතුරු ඉතා ඉක්මණින් ඉදිරිපත් කරන ලෙසත් උපදෙස් දෙමින් එහිදී නිවැරදි දත්ත ලබා ගැනීම වේගවත්ව සිදු විය යුතු බව පෙන්වා දුන්නෙමි.
දත්ත රැස් කිරීමේදී සිදු වන ප්රමාදයන් වළක්වා ගැනීම සඳහා සාමාන්ය යාන්ත්රණයෙන් ඔබ්බට ගොස් විශේෂ කණ්ඩායමක් පත් කර, අදාළ කටයුතු කාර්යක්ෂමව හා කඩිනමින් සිදු කරන ලෙසද උපදෙස් දුන්නෙමි. මේ අතර දැනට අවතැන්ව ඇති සමස්ත ජන සංඛ්යාව, ඊට ඇතුළත් පාසල් ළමුන් සංඛ්යාව, අලාභ හානි සිදු වී ඇති නිවාස සංඛ්යාව, වී, එළවළු ඇතුළු බෝග වගාවන්ට සිදුව ඇති හානි, සත්ව ගොවිපොළ ඇතුළු පශු සම්පත් ක්ෂේත්රයේ සිදුව ඇති හානි පිළිබඳ විශේෂ අවධානය යොමු කරමින් වන්දි ලබා දීම් සිදු කළ යුතු ආකාරය සහ කාල රාමු පිළිබඳවද සාකච්ඡා කළෙමි.
