ජාතික ආපදා අවස්ථාවේ මනුෂ්යත්වයේ උදාරත්වය ප්රකට කරමින් ජාති, ආගම්, පාට, පක්ෂ භේද පසෙකලා ශ්රී ලාංකියන් ලෙස ඔවුනොවුන් කෙරෙහි පිහිට වෙමින් ජන ජීවිතය යථාවත් කර ගනිමින් ශක්තිමත්ව නැගී සිටීමට අපි සැවොම උත්සහ ගත යුතු බව මල්වතු අස්ගිරි උභය මහා විහාරීය මහානායක ස්වාමින්ද්රයන්වහන්සේ දෙනම පවසනවා.Sri Lanka Latest News
මෑත ඉතිහාසය තුළ උද්ගතව වූ දරුණුතම ස්වභාවික අපදාවෙන් අප මාතෘ භුමිය පීඩාවට පත්ව සිටින මෙම ඛේදනීය අවස්ථාවේ දී ජිවිතක්ෂයට පත් වූ සියලු මහජනතාව සම්බන්ධයෙන් සංවේගය පළ කර කරන බව ද උන්වහන්සේ දෙනම ප්රකාශ කරනවා.
සියම්මහා නිකායේ මල්වතු මහ විහාර පාර්ශවයේ මහා නායක අතිපූජ්ය තිබ්බටුවාවේ ශ්රී සිද්ධාර්ථ සුමංගල හා අස්ගිරි පාර්ශවයේ මහානායක අතිපූජ්ය වරකාගොඩ ශ්රී ඤාණරතන මහානායක ස්වාමින්ද්රයන් වහන්සේ දෙනමගේ අත්සනින් යුත් නිවේදනයේ මෙසේද සඳහන්.
“ආපදාපන්න සියලු මහජනතාවගේ ජිවිත උපද්රව රහිත වේවායි අපි ප්රාර්ථනා කරමු.”
මෙම තීරණාත්මක අවස්ථාවේ දී ඇති වූ ආපදාව පිළිබඳ බේද කිරීමට සීමා නොවු ප්රඥාව පෙරදැරි කරගත් වීර්ය ගුණයෙන් ජාති, ආගම්, පාට, පක්ෂ භේද පසෙකලා ශ්රී ලාංකියයන් ලෙස ඔවුනොවුන් කෙරෙහි පිහිට වෙමින් ජන ජීවිතය යථාවත් කර ගනිමින් ශක්තිමත්ව නැගී සිටීමට අපි සැවොම උත්සහ ගත යුතු බව සිහිපත් කරනු කැමැත්තෙමු.
මෙම අභාග්ය සම්පන්න අවස්ථාවේ දී විපතට පත් සියලු මහජනතාව වෙත සහන සැලසීමට දිවයින පුරා පිහිටි සියලු විහාරස්ථානයන්හි ගරුතර මහා සංඝරත්නය කඩිනමින් කැප වී ක්රියා කිරීම අගය කරන අතර ම, රජය මගින් මෙම අසීරු අවස්ථාවේදී මහජනතාවගේ යහපත උදෙසා ගෙන ඇති ක්රියා මාර්ග පිළිබඳ ප්රසාදය පළ කරන අතර ම එම ක්රියාමාර්ග තවදුරටත් ශක්තිමත් කරමින් ජන ජීවිතය කඩිනමින් යථාවත් කිරීමට ගරු ජනාධිපතිතුමන් ප්රමුඛ රජය කඩිනමින් කටයුතු කරනු ඇතැයි විශ්වාස කරමු.
එහෙත් සියලු අවශ්යතා රජය මගින් සම්පුර්ණ කරන තෙක් නොසිට තම තමන්ගේ ශක්ති ප්රමාණයෙන් විපතට පත් ජනතාව වෙත සහන සැලසීමට විහාරස්ථාන කේන්ද්ර කර ගනිමින් ජාතික මට්ටමේ සමාජ සත්කාර වැඩසටහනක් සුදානම් කිරීමට සියලු මහා සංඝරත්නය මේ අවස්ථාවේ දී කටයුතු කළ යුතු බව අපගේ විශ්වාසයයි.
මේ වන විට ශ්රී දළදා මාළිගාව හා මල්වතු – අස්ගිරි උභය මහා විහාරයන් කේන්ද්ර කර ගනිමින් විපතට පත් මහජනතාව වෙත සහන සැලසීමට අවශ්යය කටයුතු සම්පාදනය කර ඇත. ශ්රී දළදා මාළිගාවේ හා උභය මහා විහාරයන්හි මෙන්ම දෙස් විදෙස් සැදැහැතියන්ගේ මූල්යමය ආධාර යටතේ අදියර තුනක් යටතේ එම වැඩ සටහන දීප ව්යාප්තව සිදු කිරීමට සැලසුම් කර ඇත.
මෙම ස්වභාවික ආපදාවෙන් ජීවිතක්ෂයට පත් වූ මහජනතාව වෙත පුණ්යානුමෝදනා කරලීම උදෙසා දිවයිනේ සියලු විහාරස්ථාන 2025.12.04 දිනට එළඹෙන උඳුවප් පොහෝ දිනයේ දී ආගමික වතාවත් සිදු කරලීමට කටයුතු සම්පාදනය කිරීම සුදුසු බව මෙයින් දන්වා සිටිමු. තව ද විපතට පත් සියලු මහජනතාව විෂයෙහි රත්නත්රයේ ආශිර්වාදය ප්රාර්ථනා කරලීම උදෙසා උඳුවප් පොහෝ දින පස්වරු 05.00 ට ශ්රී දළදා මාළිගාවේ දී සියක් නමක් මහාසංඝරත්නයේ වැඩම කරවීමෙන් රතන සූත්ර දේශනාවක් සිදු කරන අතර එයට සමගාමීව දිවයිනේ සියලු විහාරස්ථානයන්හි රතන සූත්ර දේශනාවක් සිදු කිරීමට කටයුතු සම්පාදනය කිරීම සුදුසු බව ද මෙයින් දන්වා සිටිම්හ.
මෙම ආපදාවෙන් මියගිය සැමට උතුම් වූ නිර්වාණ සම්පත්තිය සැලසේවායි ප්රාර්ථනා කරන අතර සියලු රටවාසීන් වෙත රත්නත්රයේ ආශීර්වාදයත් දළදා සමිඳුන්ගේ රැකවරණයත් සැලසේවායි ආශංසනය කරම්හ.
