පොලිස් සහතික ලබා ගැනීමේදී ප්රජා පොලිස් කමිටු සභාපතිගේ සහතිකය අවශ්ය බවට අරුණ පුවත්පත පළ කළ පුවත සම්බන්ධයෙන් අද දිනයේදීත් පාර්ලිමේන්තුවේ විවාදයක් මතුවිය.Sri Lanka Latest News
එහිදී අමාත්ය නලින්ද ජයතිස්ස මෙන්ම ආනන්ද විජේපාල මහතා එම කතාව අසත්යයක් බව කියා සිටියද විපක්ෂනායකවරයා උදාහරණ සහිතව එම කතාව තහවුරු කිරීමට පියවර ගෙන තිබිණ.
සිද්ධිය එක පෙළට!
විපක්ෂනායක කතාව තහවුරු කරයි! මූලාශ්රය සජිත් ප්රේමදාස!
පොලිස් ඇමතිවරයා පැවසූ ආකාරයට ප්රජා පොලිස් කමිටුවේ සභාපතිවරුන්ගේ නිර්දේශ චරිත සහතික ලබා ගන්න අවශ්ය නැති බව පැවසුවත් මාතර කිරින්ද පුහුල්වැල්ල ප්රාදේශීය ලේකම් කොට්ඨාසයේ කුඹල්ගොඩ ග්රාමනිලධාරී වසමේ කංකානම් පතිරණගේ අනුරාධ මධුශංකට පෞද්ගලික අංශයේ රැකියාවක් ලබා ගැනීමට හක්මන පොලිස් ස්ථානයෙන් පොලිස් සහතිකය ඉල්ලා සිටින විට ග්රාම නිලධාරී වාර්තාවට අමතරව ප්රජා පොලිස් කමිටු සභාපතිවරයා වන පී. රාමවික්රම මහතාගේ චරිත සහතිකය අවශ්ය බවට පවසා ඇති බවත් මේ සහතික ලබා දුන් පසුව පොලිස් සහතිකය ලබා දී ඇති බවත් විපක්ෂ නායකවරයා පැවසීය.
ඊට අමතරව කඹුරුපිටිය පොලිසියේ ලේනබටුව ග්රාමනිලධාරී වසමේ 317 සී ලිපිනයේ පදිංචි ඩී. ජී. දෙනෙත් නම් තරුණයා පොලිස් වාර්තාව ඉල්ලා සිටින විට ප්රජා පොලිස් කමිටුවේ සම්පත් වික්රමසිංහ මහතා හෙවත් එම ගමේ ජාතික ජන බලවේග සභාපතිවරයාගේ චරිත සහතිකය පවා ඉල්ලා ඇති බවත් තවම මොවුන්ගේ පොලිස් සහතික ලබා දී නොමැති බවත් විපක්ෂ නායකවරයා පැවසීය.
මේ කරුණු සියල්ල තමා වගකීමෙන් ඉදිරිපත් කරන බවත් මේවා ව්යවස්ථාපිත ඒකාධිපතිවාදයට ද පොලිස් රාජ්යයක් ඇති කිරිමට ද කියා ගැටලුවක් ඇති බවත් ගමේ ඇති සියලුම සමිතිවල තනතුරු එක පක්ෂයකට සම්බන්ධ කර ගෙන ඒකාධිපතිවාදය ක්රියාත්මක කරන්න මොවුන් උත්සාහ කරන බවත් විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය.
