කාලෙන් කාලෙට විවිධ ගොසිප් හැදෙනවා කලා ක්ෂේත්රයේ ‘නිළි’ යන නාමය භාවිත කරමින්. ඉතින් මේ කියන්න යන්නේ ඒ කිසිවක් ගැන නෙවෙයි. නමක් තියන් මේ ගමන යන ශිල්පිනියන්ව ආදරණීය ප්රේක්ෂක ජනතාව අතරේ මොන වගේ පිළිගැනීමක් ඇත්ද යන්න ගැන කතා කරන්න ‘හාට්’ අපි ජනප්රිය රංගන ශිල්පිනියන් කිහිපදෙනකු සම්බන්ධ කර ගත්තා.Sri Lanka Latest News
අනවශ්ය දේවලට මම අතගහන්නේ නැහැ… උදාරි වර්ණකුලසූරිය
මට නම් ඔය කිසිම ප්රශ්නයක් අදාළ නැහැ. හැබැයි තමන් මොන දේ කළත් එහි ප්රතිඵල ලැබෙනවා. තමන් කුමන වෘත්තියක වැඩ කළත් කරන දේ හරියට වැදගත් විදියට කළාම හරි. මගේ ආදරණීය ප්රේක්ෂක ජනතාවගෙන් ලැබුණු ඒ ආදරය එදා වගේම අදටත් ලැබෙනවා. මට කිසිම කෙනෙක්ගෙන් දෝෂාරෝපණයක් නැහැ. මම රංගන ශිල්පිනියක්. මගේ වෘත්තිය මම හරියටම කරනවා. අනවශ්ය දේවලට මම අතගහන කෙනෙක් නෙවෙයි. ප්රේක්ෂක ජනතාව නිසයි අද මම මේ තැන ඉන්නේ. ඔවුන් වෙනුවෙන් මම මගේ රංගන කටයුතු කරනවා.
සමහරු දකින්නේ වපර ඇහින්… වගීෂා සල්ගාලු
එක්කෙනෙක් දෙන්නෙක් කරන වැඩ නිසා ඒ සම්බන්ධව මුළු වෘත්තියටම බලපානවා. සමාජයම අවසානයේ දකින්නේ වැරැදි කෝණයකින්. කලා ක්ෂේත්රයේ කලාකරුවන්ගේ වටිනාකම දන්න පිරිසක් ඉන්නවා. සමහරු දකින්නේ වපර ඇහින්. සිදුවුණු සිදුවීම් එක්ක පෞද්ගලික මත වෙනස් වෙනවා. මගේ පැත්තෙන් ගත්තොත් මට සමාජයෙන් එහෙම පිළිගැනීම අඩුවක් වෙලා නැහැ. අපි හරියට සියල්ල තේරුම් අරගෙන හොඳ නරක වෙනස හඳුනාගෙන හරි විදියට මේ ගමන ගියොත් ප්රේක්ෂක ආදරය කිසිම දවසක අඩුවක් වෙන්නේ නැහැ.
අවි ගත්තෝ අවියෙන්ම නැසෙති කියනවනේ… – සචිනි යකුපිටිය
තමන් ජීවත්වන පරිසරය තුළ තමන් හදාගත්ත චරිතයක් තියෙනවා. තමන් නියැළෙන වෘත්තිය තමන්ගේ තත්ත්වය හරියට හදාගෙන නැත්නම් දකින කෙනා එය දකින්නේ වැරැදි විදියටයි. අවි ගත්තෝ අවියෙන්ම නැසෙති කියනවනේ. අන්න ඒ වගේ තමයි. තමන් තෝරගත්ත දේවල් අනුව සමාජයට ගඳ සුවඳ හමන්න පුළුවන්. ලංකාවේ තමයි ඔය දේවල් සුලබව කතා කරන්නේ. මම මගේ වෘත්තිය ඉතා ආදරෙන් කරන්නේ. ඒ ආදරයට ප්රේක්ෂක ආදරය ජනතා සම්මානයක් වගේ දෝතට නිරන්තරයෙන්ම ලැබෙනවා.
වසන්ත විතාරණගේ
