“රටක් හදන ලොවක් දිනන සුපිරි පරපුරක ජාතික සම්ප්රාප්තිය” යන තේමාව යටතේ සිරස TV පවත්වනු ලැබූ Super Heroes යනු, ශ්රී ලංකාවේ පාසල් සිසුන් අතර ව්යවසායකත්වය, නවෝත්පාදනය, ප්රජා වගකීම සහ වෘත්තීය දක්ෂතා දිරිමත් කළ සුවිශේෂී රියැලිටි වේදිකාවකි. මෙම තරගාවලියේදී super chef තරඟ ඛාණ්ඩය යටතේ තරග කළ රිකිල්ලගස්කඩ දෙණිකේ විද්යාලයෙන් සහභාගී වූ ලක්ෂිකා මධුමාලි සහ කල්පනී නවෝද්යා කියන්නේ අපේ පුංචි චෙෆ්ලා දෙන්නෙක්. මොවුන් දෙදෙනාගේම මේ ජයග්රහණය රිකිල්ලගස්කඩ දෙණිකේ විද්යාලයට මහත් ආඩම්බරයක් ගෙන දෙන්නටත් සමත් වුණා. පුංචි කාලේ ඉඳන්ම chef කෙනෙක් වීමේ බලාපොරොත්තුවක් ලක්ෂිකාට වගේම කල්පනීටත් තිබුණු නිසාම මේ දෙන්නම පාසලේදී ගෘහ විද්යාව විෂය හැදෑරුවේ කෑම හදන්නම තිබුණු ආසාව නිසාමයි. ඉතිං අද මව්රට කතාබහ සිරස TV super hero තරගයේ ජයග්රාහකයින් දෙදෙනෙක් එක්කයි.Sri Lanka Latest News
කොහොමද මුලින්ම කෑම හදන්න ඉගෙන ගත්තේ?
පොඩි කාලෙදි ගෙදර තිබුණු එළවළු වගේ දේවල් විතරයි හදන්න ඉගෙන ගත්තේ. ඊට පස්සේ චිකන්, මාළු මේ වගේ දේවලුත් හදන්න පුරුදු වුණා. 10 වසරෙදි ගෘහ විද්යා විෂයේ කේක්, කට්ලට්, පැටිස් වගේ දේවල් හදන්න පුරුදු කරා. ඉතින් මේ වගේ තමයි කෑම හදන්න අපි පුරුදු වුණේ.
super hero අවසන් මහා තරගයෙන් super chef තරඟ ඛාණ්ඩයෙන් ජයග්රහණය කරන්න ඔයාලට අවස්ථාව ලැබුණා. ඒ අත්දැකීම මොන වගේද?
ඇත්තටම ලොකු සතුටක්. මොකද අපි ඒ වගේ තැනකට කවදාවත් ඇවිත් තිබුණේ නෑ. අපේ ජීවිතයේ අපේ ලබපු ලොකුම අත්දැකීම තමයි මේක. ඒ කියන්නේ එතනට ඇවිත් හිටිය චෙෆ්ලා එක්ක කතාබහ කරලා අපේ අඩුපාඩු හදාගන්න අපිට අවස්ථාව ලැබුණා.
මේ තරඟයට ඔයාලා හඳුන්වලා දෙන්නේ මිකෝ කිං කියන කේක් එක. මේ කේක් එක කොහිල වලින් හදන්න හිතුවේ ඇයි ?
කොහිල ගොඩක් අය කන්න අකමැති දෙයක්. කොහිල කියන නම ඇහෙනකොටත් ඒකට අකමැති අය ඉන්නවා. අද සමාජයේ ගොඩක් අය දන්නෙ නෑ කොහිලවල තියෙන ගුණාත්මකභාවය. කොහිලවල ප්රතිඔක්සිකාරක ගුණය වගේම විටමින් E, විටමින් A අඩංගුයි. මලබද්ධය, අර්ශස් රෝග බොහොමයකට කොහිල ගුණ නිසා තමයි අපි මේ කේක් එක හදන්න කොහිල තෝර ගත්තේ.
මේ කේක් එකට මිකෝ කිං කියලා නම දැම්මේ ඇයි ?
මිකෝ කියන්නේ මින්චි සහ කොහිල. කින් කියන්නේ රජ්ජුරුවෝ. එතකොට කේක් අතර රජ්ජුරුවෝ වගේ අදහසක් තමයි මේකට තියෙන්නේ.
මිකෝ කිං කේක් එක ව්යාපාරයක් විදිහට කරගෙන යනවනේ දැනට. කොහොමද ඒක කරන්නේ? ඒකට උදව් ලැබෙන්නේ කාගෙන්ද?
ඔව් අපි අලුත් කැෆෙ එකක් open කරා. ඊට අමතරව fb page එකක් යනවා මිකෝ කිං කියලා. ඒකෙන් අපිට එන oders භාර ගන්නවා. අපි ඉස්කෝලේ යන ගමන් තමයි මේ වැඩේ කරන්නේ. ඒ නිසා අපිට අපේ අම්මලා තමයි උදව් කරන්නේ. ඒ වගේම අපේ ඉස්කෝලේ ගෘහ විද්යාව ටීචත් අපිට ගොඩක් මේකට උදව් කරනවා.
මිකෝ කිං ව්යාපාරය ජාත්යන්තරය දක්වාම ගෙනයන්න බලාපොරොත්තුවක් තියෙනවද?
ඔව්. ඇත්තටම අපි කේක් විතරක් නෙවෙයි කොහිල වලින් පැණි වළලු, මුරුකු වගේ දේවලුත් හදනවා. අපි බලාපොරොත්තුවෙන් ඉන්නවා අපේ පැත්තට එන සංචාරකයන්ට මේ කේක් එක හඳුන්වලා දෙන්න.
කෞශල්යා ලක්මිනී
