ශ්රී ලංකාවේ LGBTQ සංචාරක ව්යාපාරය ප්රවර්ධනය කිරීම සම්බන්ධයෙන් ශ්රී ලංකා සංචාරක සංවර්ධන අධිකාරියේ සභාපතිවරයා අදාළ ලිපිය නිකුත් කර ඇත්තේ දේශපාලන අධිකාරිය සමඟ සාකච්ඡා නොකොට බව අග්රාමාත්ය හරිණී අමරසූරිය මහත්මිය අද පාර්ලිමේන්තුවේදී ප්රකාශ කළය.Sri Lanka Latest News
අදාළ ඇමතිවරයා විසින් LGBTQ ගැටලුව සම්බන්ධයෙන් රජයේ ස්ථාවරය සහ ප්රතිපත්තිය පිළිබඳව SLTDA සභාපතිවරයාට උපදෙස් ලබා දුන් බව අග්රාමාත්යවරිය පාර්ලිමේන්තුවට දැනුම් දුන්නය.
මෙම කාරණය සම්බන්ධයෙන් රජයේ ස්ථාවරය පැහැදිලි කරමින් අග්රාමාත්යවරිය අවධාරණය කළේ, කිසිදු විශේෂිත කණ්ඩායමකට විශේෂ වරප්රසාද ලබා දීමට හෝ ප්රවර්ධනය කිරීමට රජය කටයුතු නොකරන බවයි.
අදාළ ලිපිය සම්බන්ධයෙන් SLTDA සභාපතිවරයාට එරෙහිව රජය ගෙන ඇති ක්රියාමාර්ග පිළිබඳව සමගි ජන බලවේගයේ පාර්ලිමේන්තු මන්ත්රී කාවින්ද ජයවර්ධන මහතා විසින් මතු කරන ලද ප්රශ්නයකට පිළිතුරු දෙමින් අග්රාමාත්යවරිය මේ බව පැවසුවාය.
තවදුරටත් අදහස් දැක්වූ අග්රාමාත්ය හාරිණී අමරසූරිය මහත්මිය කියා සිටියේ, සංවේදී කරුණු දේශපාලන වාසි ලබා ගැනීම සඳහා යොදා නොගත යුතු බවයි.
