කෙහෙල්බද්දර පද්මේ ඇතුළු අපරාධකරුවන් පිරිස අත්අඩංගුවට ගැනීම සඳහා සහකාර පොලිස් අධිකාරී රොහාන් ඕලුගල මහතා ඉන්දුනීසියාවට ගොස් තිබූ අවස්ථාවේ ඒ බව පොලිසිය පාර්ශ්වයෙන්ම ඔත්තුවක් දී ඇති බව අනාවරණ වී තිබෙනවා.Sri Lanka Latest News
කෙහෙල්බද්දර පද්මේ, කමාන්ඩෝ සලින්ත හා කුඩු නිලංග එතෙක් රැඳී සිටි හෝටලයෙන් පලාගොස් ඇත්තේ ද එම හේතුව නිසා බවයි විමර්ශනවලදී හෙළි වී ඇත්තේ.
දැනට රැඳවුම් භාරයේ පසුවන කෙහෙල්බද්දර පද්මේ හා කමාන්ඩෝ සලින්ත ඇතුළු අපරාධකරුවන් අත්අඩංගුවට ගැනීම සිදුවුණේ ඉන්දුනීසියාවේදීයී.
ඒ සඳහා සහකාර පොලිස් අධිකාරී රොහාන් ඕලුගල මහතා ඉන්දුනීසියාවට ගොස් තිබූ අවස්ථාවේ ඒ බව කෙහෙල්බද්දර පද්මේට පොලිසිය පාර්ශ්වයෙන්ම ඔත්තුවක් ලබාදී තිබූ බව මේවනවිට අනාවරණ වී තිබෙනවා.
කෙහෙල්බද්දර පද්මේ අත්අඩංගුවට ගැනීම සඳහා ජාත්යන්තර පොලිසිය හරහා නිකුත් කර තිබූ රතු වරෙන්තුව ද මෙරට පොලිසිය හරහාම ඔහු වෙත ඔත්තුවක් ලෙස ලබාදී ඇති බවයි අනාවරණ වී ඇත්තේ.
ඕලුගල මහතා දින කිහිපයක සිට නොමැති බව දරුන් නමැති අපරාධකරුට පොලිසියෙන් දැනුම්දී ඇති බවත් ඔහු ඕලුගල මහතාගේ දුරකථන අංක ඔස්සේ අයි.පී. අංකය පරීක්ෂා කර ඇති බවත් වාර්තා වනවා.
අනතුරුව දරුන් නමැත්තාට හෙළිවී ඇත්තේ, ඕලුගල මහතා ඉන්දුනීසියාවට ගොස් ඇති බවයි.
ඒ අනුව මේ පිළිබඳ සැලවූ කෙහෙල්බද්දර පද්මේ, කමාන්ඩෝ සලින්ත හා කුඩු නිලංග එතෙක් රැඳීසිටි හෝටලයෙන් පලාගොස් ඇති බව ද විමර්ශනවලදී අනාවරණ වී තිබෙනවා.
කෙහෙල්බද්දර පද්මේ අත්අඩංගුවට ගැනීම සඳහා ජාත්යන්තර පොලිසිය හරහා නිකුත් කර තිබූ රතු වරෙන්තුවේ ඡායාරූපයක් කෙහෙල්බද්දර පද්මේගේ ජංගම දුරකථනයේ තිබී හමුවූ බවයි පොලිසිය සඳහන් කළේ.
