වෛද්‍ය සභාවට නලින්ද ජයතිස්ස පත්කරපු බහුතරයක් සුදුසුකම් සපුරා නෑ! වහාම වැරැද්ද නිවැරදි කරන්න! GMOA එක එළිපිට සෞඛ්‍ය ඇමැති නලින්දට විරෝධය පළකරයි! Sri Lanka Latest News

ශ්‍රී ලංකා වෛද්‍ය සභාව යනු වෛද්‍ය සේවාවේ සහ වෛද්‍ය අධ්‍යාපනයේ සම්මත ආරක්ෂා කර ගනිමින් එම කටයුතු නිසි පරිදි නියාමනය කිරීම සදහා පාර්ලිමේන්තු පතනකින් ව්‍යවස්ථාපිත වූ ආයතනයක බවත්, වෛද්‍ය සේවාවේ වෘත්තීයභාවය නියාමනය කරමින් අවසානයේ රටේ සමස්ත රෝගී ජනතාවගේ යහපත වෙනුවෙන් සහ අභිවෘද්ධිය වෙනුවෙන් කටයුතු කිරීමේ ශ්‍රී ලංකා වෛද්‍ය සභාවේ වගකීම යැයි රජයේ වෛද්‍ය නිලධාරින්ගේ සංගමය සඳහන් කරයි.Sri Lanka Latest News

එම සංගමය මේ බව සඳහන් කරන්නේ ශ්‍රී ලංකා වෛද්‍ය සභාවේ පුරප්පාඩු වූ සභාපති තනතුර ප්‍රධාන අනිකුත් සාමාජික තනතුරු සඳහා සිදු කරන ලද පත් කිරීම් සම්බන්ධව මාධ්‍ය නිවේදනයක් නිකුත් කරමිනි.

රජයේ වෛද්‍ය නිලධාරින්ගේ සංගමයේ ලේකම් වෛද්‍ය ප්‍රභාත් සුගතදාස ගේ අත්සනින් යුත් එම මාධ්‍ය නිවේදනයේ සඳහන් වන පරිදි මේ වනවිට සෞඛ්‍ය අමාත්‍යවරයා විසින් වෛද්‍ය සභාවේ සභාපති තනතුරට සහ අනිකුත් සාමාජික තනතුරු සඳහා පත් කර ඇති පුද්ගලයින් පිළිබඳව සලකා බැලීමේ දී ඔවුන්ගෙන් බහුතරයක් එම තනතුරුවලට අදාළ සුදුසුකම් සපුරා නොමැති බවයි. ඒබැවින් ගැටලුකාරි පසුබිමක් පෙන්නුම් කරන බව ද එම නිවේදනයේ වැඩි දුරටත් සඳහන් වේ.

මතු පළ වන්නේ රජයේ වෛද්‍ය නිලධාරින්ගේ සංගමය විසින් නිකුත් කරන ලද සම්පූර්ණ මාධ්‍ය නිවේදනය යි.



”සෞඛ්‍ය අමාත්‍යවරයා කළ පත්වීම් වෛද්‍ය සභාවේ පාරදෘශ්‍ය භාවයට හානිකරයි ”

පසුගිය දිනක ශ්‍රි ලංකාවේ වෛද්‍ය සභාවේ සභාපති ධුරය සහ සාමාජික ධුර කිහිපයක් පුරප්පාඩු වූ බවත්, එම තනතුරු සඳහා පත් කර ඇත්තේ ඉතාම ගැටලුකාරී පසුබිමක් සහිත පුද්ගලයින් යැයි රජයේ වෛද්‍ය නිලධාරීන්ගේ සංගමයේ (GMOA) සහකාර ලේකම් වෛද්‍ය හංසමාල් වීරසූරිය පැවසී ය.

ඔහු මෙම අදහස් පළ කළේ ඊයේ (26) රජයේ වෛද්‍ය නිලධාරීන්ගේ සංගමය කැඳවා තිබූ මාධ්‍ය සාකච්ඡාවක දී ය.

එම මාධ්‍ය සාකච්ඡාවේ දී වැඩිදුරටත් අදහස් දක්වමින් වෛද්‍ය හංසමාල් වීරසූරිය පැවසුවේ එබඳු ගැටලුකාරි පසුබිමක් සහිත පුද්ගලයින් එම තනතුරුවලට පත්කිරීමෙන් සමස්ත රටෙහි ම සෞඛ්‍ය සේවයට අවැඩක් සිදුවන බවයි.