පහුගිය කාලෙ පුරාම සජිත් ගැන එක එක ප්ලාන්ට් නිව්ස් ගොඩක් දැක්කා. සිරිකොත හදන්න රජයේ මුදල් පාවිච්චි කළා කියලා සජිත්ට අල්ලස් කොමිසමෙන් කැඳවීමක්, සජිත් ඇමැති ධුරය දරපු කාලෙ සේවකයො පෞද්ගලික වැඩට අරන් නිසා සී.අයි.ඩී. කැඳවීමක්, සංස්කෘතික අරමුදලෙ වුණු වංචාවලට සජිත්ව අත්අඩංගුවට ගන්න යනවා වගේ එක එක ජාතියෙ පුවත් පළවුණා. ගොඩක් වෙලාවට මේ පුවත් පළකරන්නෙ ලංකාදීප, සිරස වගේ මාධ්ය පාවිච්චි කරලා. ඇත්තටම මෙහෙම නිවුස් ගහලා සජිත්ව වට්ටන්න ආණ්ඩුවටත් වඩා වුවමනාව තියෙන්නෙ රනිල් ගාව අරක්ගෙන සිරිකොතේ ඉන්න බහිරවයො කීප දෙනෙක්ට. ඔහොම නිවුස් ප්ලාන්ට් කරන්නෙත් ඒ බහිරවයො සෙට් එක.
ඔවුන් සජිත් – රනිල් එකතු වෙනවට කැමැති නෑ. හේතුව ඔවුන්ගෙ තැන නැතිවෙයි කියලා බයට. රනිල් මළ කඳක් වෙලා හරි කමක් නෑ රනිල්ගෙ ඇඟේ වහන් ඉන්න මැක්කො සෙට් එකක් වගේ ඉන්න ඒ ටීම් එක මාර කැමැතියි. ඒ නිසා සජිත්ට සිරිකොත භාරදෙන්න රනිල් ගාව ඉන්න බහිරවයො ටික ඉඩදෙන්නෙ නෑ.Sri Lanka Latest News
රනිල්ගෙ වයසයි, රනිල් ඉන්න සෞඛ්ය තත්ත්වයයි ගැන හිතලා මේ වෙලාවෙ රනිල් හරි නම් කරන්න ඕනෙ සජිත්ව අඬගහලා සිරිකොත බාරදීලා එකතුවෙලා ගමනක් යන එක. ඒ කරලා ජ්යෙෂ්ඨ නායකයා විදියට රනිල් ඉඳලා ඔහුගෙන් රටට වැඩක් ගන්න එක. ඒත් රනිල් කැමැති වුණත් සිරිකොතේ ඉන්න ඔය බහිරවයො ටික ඒකට ඉඩදෙයි කියලා හිතන්න බෑ.
රනිල් ඔය බහිරවයන්ගෙ කීමට සජිත් පක්ෂෙ කඩාගෙන යනකල්ම පක්ෂෙ නායකකම සජිත්ට දුන්නෙම නෑ. රනිල් 2019 සජිත්ව පරද්දන්න වැඩකළා. 2024 අපේක්ෂකයෙක් විදියට ඇවිත් පරද්දන්න වැඩකළා. බොහෝ විට 2029ත් ඔය වැඩේම කරන්න බැරිකමක් නෑ. හැබැයි සජිත් රනිල්ට ආපු හැම ප්රශ්නෙකම රනිල් එක්ක හිටියා. ඒ නිසා රනිල්ටත් පක්ෂෙ ඇතුළෙන් වගේම රටේම යූ.එන්.පී.කාරයන්ගෙන් ගෞරවනීය සමුගැනීමක් ඕනෙ නම් ඔය බහිරවයො ටික පැත්තකට දාලා සජිත් එක්ක එකතුවෙලා පක්ෂෙ භාරදීලා ගමනක් යන්න චාන්ස් එකක් ඇවිල්ලා තියෙනවා. ඒක තෝරගන්නවද නැද්ද කියන එක රනිල්ගෙ වැඩක්.
