දිනය 2025 අගෝස්තු මස 26 වැනිදාය. එදින නාවලපිටිය ඩිපෝවෙන් අලුයම 4.15ට කොළඹ බලා ධාවනය වන උඡ – භඊ – 9146 දරන බස් රථය සුපුරුදු පරිදි ගමන් ඇරඹුවේය. බසය කිලෝමීටර් ගණනාවක් ඉදිරියට ඇදෙන විට බසයට ගොඩවූ අයකු, තමා අංක 21 ආසනය වෙන්කර ගෙන ඇතැයි කීවත්, ඒ වනවිට එම අසුනේ තරුණියක වාඩිකරවා, එම ආසනය වෙන්කරවාගෙන සිටි අය ඉදිරිපිටදීම එකී තැනැත්තියට කොන්දොස්තරවරයා කළුඅග්ගලට ප්රවේශ පත්රයක් ලබාදුන්නේය.Sri Lanka Latest News
‘මං මේ ආසනය වෙන් කරවාගෙන ඉන්නෙ. මට ආසනය ලබාදෙන්න….’
‘දැන් එහෙම දෙන්න බෑ. එක්කෙනෙක් වාඩිවෙලානෙ…’ කොන්දොස්තරවරයා තරමක් හඬින් කීවේය.
‘මං කොළඹ යන කෙනෙක්. අනෙක මාධ්යවේදියෙක්. ඊයෙ ටිකට් එක බුක්කරගෙන සල්ලිත් කලින්ම බැඳලනෙ ඉන්නෙ’ මාධ්යවේදියා කීවේය.
‘මට ඒකෙන් වැඩක් නෑ. දැන් සීට් එකක් දෙන්න බෑ. ඕනෙ නම් ඕනෙ ලොක්කෙකුට පැමිණිලි කරන එකයි ඇත්තෙ. මං ඒවට බය නෑ’ යැයි මාධ්යවේදියාටද ගර්ජනය කළ කොන්දොස්තරවරයා බසයේ ඉදිරියට ගියේය.
‘එතකොට මගේ සීට් එක?’
මාධ්යවේදියා විමසූ විට, ‘ඒකට මට කරන්න දෙයක් නෑ. ඕනෙ නම් වාඩිවෙලා ඉන්න කෙනත් එක්ක කතා කරල බේරගන්න එකයි ඇත්තෙ’යි කියූ කොන්දොස්තරවරයා බසයේ ඉදිරිපසට ගියේය.
මෙම දෙබස ඇසූ තරුණිය, එතෙක් වාඩිවී සිටි අසුනෙන් නැගිට ඉවත් විය.
බසය ඉදිරියට ඇදෙන විට සෑම නගරයකින්ම මගීහු බසයට ගොඩවූහ. ඒ සැමටම කොන්දොස්තරවරයා ඇමතුවේ වාචාලයකු ලෙසිනි. එසේ කතාකරන වාරයක් පාසා ඔහුගේ මුවින් පෙරදා සප්පායම් වූ ගල් අරක්කු ගඳ වහනය වන විට ඇතමකු ඔහු සමග කතා කළේ සිය නැහැපුඩු හකුළුවා ගනිමිනි.
බසය ඔරුගොඩවත්තේ නතර කළේ මගීන් රැසකට බැස යායුතු බැවිනි. එසේ නතර කළ බසය යළි ධාවනය අරඹත්ම පිටුපස දොර දෙසින් කාන්තා කටහඬක් ඇසිණි.
‘මේවා ලංගම බස්නෙ මේවයෙ අපිට යන්ට බැරිද?’ කාන්තාව කියත්ම, ‘නගින්නෙ එහෙම නෑ බස් එකට’ යැයි මහ හඬින් මගී කාන්තාවට තර්ජනය කළ කොන්දොස්තරවරයා ඉදිරිපස දොර වෙත ගියේය.
එකනෙහිම බසය තරමක් ඉදිරියට ධාවනය වුවද සංඥා පුවරුවේ රතු බල්බය දැල්වෙත්ම බසය යළි නතර කෙරිණි. එවිටම බසය වෙත ළංවූ ඉහත කාන්තාව ගල් අහුරකින් කොන්දොස්තරවරයාට දමාගැසුවාය. කොන්දොස්තරවරයා බසයෙන් බිමට පැන කාන්තාව වෙත අයි.ආර්.සී.කාරයකු ලෙස අතින් පයින් පහර දීමට තැත් කළේය. ඔහු කාන්තාවට එසේ පා පහරවලින් ප්රහාර එල්ල කරනු මහා මාර්ගය අයිනේ දෙනොදාහක් දෙනාද බලා සිටියහ.
එසේ කාන්තාවට කොන්දොස්තරවරයා පැන පැන පාපහර එල්ලකරන අතරවාරයේ, එම ප්රහාරයෙන් බේරි බේරී තම කකුල් දෙකේ දමාගෙන සිටි සපත්තු දෙක ගලවා කාන්තාව, ඒ දෙකෙන්ම කොන්දොස්තර වරයාට පහර දුන්නාය.
මෙම කොන්දොස්තරවරයාගේ හිසේ කෙස් නැතිකම නිසාම කාන්තාව එල්ල කළ සපත්තු ප්රහාර කොන්දොස්තරවරයාගේ හිසටද, කම්මුල් දෙකටද එල්ල වනු පිරිස බලාගෙනය. වේලාව පෙරවරු 7.45 පමණ වී තිබිණි. දෙනෝදාහක් දෙනා මෙම ප්රහාර එල්ලකර ගැනීම දෙස බලාසිටියේ විමතියෙනි.
ලංගම කොන්දොස්තර කෙනකු වෙලත්, ආසන වෙන්කර ගැනීමටද විරෝධය පාන, එසේ ආසන වෙන් කරන බලධාරීන්ටද ප්රසිද්ධියේ බැණවදින බසයට ගොඩවන මගී ජනතාවට ආඩාපාලි කියන, බසයට නගින්නට හැදූ කාන්තාවකට එය දුර ගමන් බසයක් යැයි හොඳින් කරුණු පහදා දෙනු වෙනුවට මහමග දෙනෝදාහක් ඉදිරිපිටදී පාපහර එල්ල කළ මේ කොන්දොස්තරවරයා, තමන් සේවය කරන නාවලපිටිය ඩිපෝවත්, පොදුවේ ලංකා ගමනා ගමන මණ්ඩලයත් ගඳගැස්සවූයේ කොළඹ ඔරුගොඩවත්තේදී දෙනෝදාහක් දෙනා ඉදිරිපිටදී වීම අතිශය කනගාටුදායක සිද්ධියක් බව එම දසුන ඇසින් දුටුවෝ පැවසූහ.
නන්දන ශ්රී දොරකුඹුර
