අධිකරණයට බලපෑම් වන ආකාරයෙන් හැසිරුණ පුද්ගලයන් අත් අඩංගුවට ගෙන අධිකරණයට ඉදිරිපත් කරන ලෙස කොටුව මහේස්ත්රාත් නිලුපුලී ලංකාපුර මෙනෙවිය අපරාධ පරීක්ෂණ දෙපාර්තමේන්තුවේ අධ්යක්ෂවරයාට නියෝග කළා.Sri Lanka Latest News
එහිදී මහේස්ත්රාත්වරිය නියෝග කළේ, අධිකරණයේ කටයුතු අතරතුරදී ජංගම දුරකතන භාවිත කරමින් වීඩියෝ දර්ශන හා ඡායාරූප ගෙන ඒවා සමාජ මාධ්ය ජාල ඔස්සේ ප්රචාරය කළ පුද්ගලයන් සම්බන්ධයෙන් විමර්ශනයක් අරඹන ලෙසයි.
එයට අදාල වීඩියෝ සහ ඡායාරූප රජයේ, පෞද්ගලික සහ සමාජ මාධ්යවලින් ලබාගන්නා ලෙසද මහේස්ත්රාත්වරිය එහිදී නියෝග කළා.
පසුගිය දිනවල පැවැති නඩු විභාගයකදී මෙම සිදුවීම වාර්තා වී ඇති අතර, අධිකරණයේ ගෞරවයට හා විනයට හානි වන අයුරින් ක්රියා කළ මෙම පුද්ගලයන්ට එරෙහිව මෙම පරීක්ෂණය ආරම්භ කිරීමට නියම කළා.
අධිකරණයට අපහාස කිරීමේ වරද යටතේ මෙම විමර්ෂන සිදු කරන බවයි මහේස්ත්රාත් නිලුපුලි ලංකාපුර මහත්මිය පවසන්නේ.
අධිකරණ නියෝගය අනුව, මෙම නීති විරෝධී ක්රියාවන් සඳහා වගකිවයුතු පුද්ගලයන් කඩිනමින් හඳුනාගෙන ඔවුන්ට එරෙහිව නීතිමය පියවර ගන්නා ලෙස ඇය අවධාරණය කළා.
විමර්ශනවලට බලපෑම් වන ආකාරයේ ප්රකාශ නිකුත් කිරීමෙන් වළකින ලෙස මහේස්ත්රාත්වරිය එහිදී වැඩිදුරටත් නියෝග නිකුත් කළා.
