අපරාධ නඩු කිහිපයක සැකකරුවකු පොලිස් රැඳවුම් භාරයෙන් පලායාමේ සිද්ධිය මත රත්නපුර මූලස්ථාන පොලිස් පරීක්ෂකවරයා ඇතුළු නිලධාරීන් තිදෙනකුගේ වැඩ තහනම් කොට, දැනටමත් ඒ පිළිබඳ විශේෂ පරීක්ෂණයක් පැවැත්වීම සඳහා විශේෂ පොලිස් කණ්ඩායමක් යොදවා ඇතැයි පොලිස් මාධ්ය ප්රකාශකවරයා පවසයි. Sri Lanka Latest News
ප්රබල අපරාධ කල්ලියකට සම්බන්ධ මෙම සැකකරු අපරාධ පරීක්ෂණ දෙපාර්තමේන්තුව මගින් අල්ලා ගෙනැවිත් රත්නපුර මූලස්ථාන පොලිසියට භාරදී සිටියදී මෙම පලායාම සිදුව ඇතැයි පොලිසිය කියයි.
පලාගිය සැකකරු අත්අඩංගුවට ගැනීම සඳහා විශේෂ පොලිස් කණ්ඩායමක් යොදවා ඇතැයිද සැකකරුට පලායාමට පොලිසිය ඇතුළෙන් සහායක් ලැබී ඇද්දැයි විමර්ශනය කෙරෙන බවද පොලිස් මාධ්ය ප්රකාශකවරයා කියයි.
මෙම සැකකරු රත්නපුර මාගම්මන ප්රදේශයේදී අත්අඩංගුවට ගෙන තිබිණි.
මෙසේ රත්නපුර පොලිස් රැඳවුම් භාරයේ සිටියදී පලාගිය සැකකරුට මිනීමැරුම් චෝදනා දෙකක් සම්බන්ධ නඩු දෙකක්ද, විවෘත වරෙන්තු දෙකක්ද නිකුත්කර සිටි අයකු බවද පොලිසිය කියයි.
පොලිසිය සඳහන් කරන අන්දමට අපරාධ පරීක්ෂණ දෙපාර්තමේන්තුව මගින් අත්අඩංගුවට ගනු ලැබූ මෙම සැකකරු රත්නපුර මූලස්ථාන පොලිසියේ රාත්රී කාර්යභාර නිලධාරිවරයාට සහ උපසේවක නිලධාරියාට භාරදී තිබූ බවය.
නන්දන ශ්රී දොරකුඹුර
