මිනිස් පරිභෝජනයට නුසුදුසු නෙදර්ලන්තයෙන් ආනයනය කොට, කෙරවලපිටිය ප්රදේශයේ පෞද්ගලික ගබඩාවක රහසිගතව ගබඩාකර තිබියදී හමුවූ රුපියල් කෝටි 18ක් පමණ වටිනාකමින් යුතු, කිරිපිටි තොගය පිළිබඳ දැඩිව විමර්ශන කටයුතු අරඹා ඇතැයි පාරිභෝගික සේවා අධිකාරියේ ප්රකාශකයෙක් ‘මව්රට’ට පැවැසීය.Sri Lanka Latest News
තම ප්රධාන කාර්යාලයට ලද රහසිගත තොරතුරක් ඔස්සේ ඒ පිළිබඳ ගම්පහ දිස්ත්රික් පාරිභෝගික සේවා අධිකාරියේ නිලධාරීන් දැනුවත් කොට, ඔවුන් ලවා කළ විමර්ශනයේදී මෙම පරිභෝජනයට නුසුදුසු කිරිපිටි තොගය සොයාගැනීමට හැකිවූ බවද එම ප්රකාශකයා කීවේය.
කිරිපිටි තොගය සොයාගන්නා විට ඒවා බහලුම් 6ක ඇසුරුම්කොට, ගබඩාකොට තිබූ බවද, මෙම කිරිපිටි කිලෝග්රෑම් 25 බැගින් ඇසුරුම් කොට ගබඩා කොට තිබූ බවද නිරීක්ෂණය වී ඇති අතර, කිරිපිටි තොගයේ මුළු බර කිලෝග්රෑම් 1,53,000ක් පමණ වන බවද ඉහත ප්රකාශකයා කීවේය.
තවද කිරිපිටි තොගය මෙසේ ගබඩාකොට තිබී ඇත්තේ ධූමකරණය (ත්මපසට්එසදබ) සඳහා බව මූලික පරීක්ෂණවලදී හෙළිවී ඇතැයිද හෙතෙම කීය.
මේ පිළිබඳ වැලිසර අධිකරණයට කරුණු සැලකර ඇති බවද පාරිභෝගික සේවා අධිකාරිය පවසයි.
මිනිස් පරිභෝජනයට නුසුදුසු මෙම කිරිපිටි තොගය පිළිබඳ ඉදිරි විමර්ශන කටයුතු වත්තල, සෞඛ්ය වෛද්ය නිලධාරී කාර්යාලයේ මහජන සෞඛ්ය පරීක්ෂකවරයා සිදුකරගෙන යනු ලබන බවද පාරිභෝගික සේවා අධිකාරිය කියයි.
නන්දන ශ්රී දොරකුඹුර
