ජනතා විමුක්ති පෙරමුණ හා මාලිමා රජයක් තුළ සමස්ත ජනතාවට සෙත සැලසෙයි කියා ජනතාව සිතු නිසා මැතිවරණ දෙකක් මාලිමාව ජයග්රහණය කළත් අවසානයේ ජයග්රහණය කළේ බොරුව, මිථ්යාව, රැවටීම, මංමුලා කිරීම හා ඇන්දවීම බවත් විපක්ෂ නායකවරයා පැවසීය.Sri Lanka Latest News
මාලිමා ප්රතිපත්ති ප්රකාශය අනුව පොහොසත් රටක් ලස්සන ජීවිතයක් වුවත් අද ඇත්තේ බොරු පොරොන්දු වලින් පිරුණ රටක් බවත් පොරොන්දු ඉටු නොකරන යුගයක් බවත් මොවුන් බොරුවෙන් රජකරවන්න පුලුවන් යැයි විශ්වාස කළත් බොරුවෙන් රජ කළාම පරාජය ළඟ බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද මැදිරිගිරිය ප්රදේශයේ පැවැති ජන හමුවකදීය
අද තරගයට බොරු පොරොන්දු ඉදිරිපත් කරන බවත් බඩු මිල, තෙල් මිල, හාල් පොල් මිල, විදුලි බිල අඩු කරනවා යැයි කිව්වත් අද අහස උසට බඩු මිල ඉහළ ගොස් ඇති බවත් එදිනෙදා වේල් තුනවත් පිරිමහ ගන්න බැරි ලක්ෂ සංඛ්යාත ජනතාවක් සිටින බවත් අසහනයෙන් පීඩනයෙන් මිරිකුන ජනතාවක් සිටින බවත් විපක්ෂ නායකවරයා වැඩිදුරටත් පැවසීය.
කවද්ද බඩු මිල අඩු කරන්නේ්
දූෂණය වංචාව නැති කර තෙල් මිල අඩු කරනවා කිව්වත් එය නොවු බවත් විදුලි බිල 33%කින් අඩු කරනවා කිව්වත් එය ද නොවු බවත් එබැවින් මේ බඩු මිල අඩු කරන දිනය කවදාද කියා විමසන බවත් මේ බොරු කියන ජනතාව රවටන පච කියන මේ වත්මන් පච රජය ක්රියාත්මක කරන පච දේශපාලනය පලවා හැරිය යුතු බවත් විපක්ෂ නායකවරයා වැඩිදුරටත් පැවසීය.
බොරුවෙන් ගොවියාත් රැවටුවා
බොරුකියා ගොවියා පවා රැවටු බවත් අදටත් හරියට පොහොර සහනාධාරය නොමැති බවත් ගොවියා රැක ගන්නවා කිව්වත් පොහොර සහනාධාරය හරියට නොමැති බවත් මෙවර පොහොර මිල ද වැඩි වන බවට ආරංචි වන බවත් ඊට අමතරව පොහොරවල ගුණාත්මක භාවය ගැන ගැටලුවක්ද ඇති බවත් විපක්ෂ නායකවරයා පැවසීය.
මුළු වාරිපද්ධතියම නවීකරණය කළ යුතු බවත් බොරු කියන මේ ආණ්ඩුව වාරි පද්ධතිය ආරක්ෂා කර සුරක්ෂිත කරන්න ඇති වැඩපිළිවෙළ ඉදිරිපත් කරන ලෙසත් විපක්ෂ නායකවරයා පැවසීය.
මේ ආණ්ඩුව හැම වෙලාවේම බොරුව පචය තුළින් බලය රැක ගන්න උත්සාහ කරන බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
