පසුගිය කාලයේ අප රටේ සෞඛ්ය ක්ෂේත්රයේ බරපතල ගැටලු ඖෂධ වංචා ආදිය මෙන්ම හොරකම් ද සිදුවු බවත් ජනතාවගේ ජිවිත ගණනාවක් බාල බෙහෙත් නිසා නැති වූ බවත් අද වන විටත් බරපතල ඖෂධ හිගයක් නිර්මාණය වි ඇති මොහොතක රජයට ඒ සදහා විසදුම් නොමැති බවත් ඇදුම රෝගීන්ගේ ජීවිත බේරාගන්න බෙහෙතක්, පෙනහලු ආසාධනයට ලබා දෙන බෙහෙතක්, නිව්මෝනියා රෝගීන්ට ලබා දෙන ප්රතිජීවක බෙහෙතක්, දැඩි සත්කාර ඒකකවල සිටින රෝගීන්ට බැක්ටීරීයා ආසාධන වළක්වක ප්රතිජීවන ඖෂධයකද දැඩි හිගයක් ඇති බවත් ජනාධිපතිවරණයේ දී මෙන්ම මහමැතිවරණයේ දී ද වරමක් ලබා දී පාර්ලිමේන්තුවේ 225න් 159ක්ම ලබා දී ජනතාව අපේක්ෂා කළේ මෙවැනි ඖෂධ හිගයක් ද කියා ප්රශ්න කරන බවත් රජයේ රෝහල්වල වෛද්යවරු මේ ගැන තමාට පවසන බවත් විපක්ෂ නායකවරයා පැවසීය. Sri Lanka Latest News
ජනතාවගේ ජීවිත බේරා ගන්න ඖෂධවල බරපතල හිගයක් ඇති මොහොතක රජය මේ ගැන කිසිදු පියවරක් නොගන්නා බවත් පොහොසත් රටක් නිර්මාණය කරනවා කිව්වත් රෝගීන්ට අවශ්ය බෙහෙත් ලබා දෙන්න පවා නොහැකි නම් ඒ රජය සාර්ථක නොමැති බවත් මේ රජයට රටක් පාලනය කිරීමේ දර්ශනයක්, වැඩපිළිවෙළක් හෝ මාර්ග සිතියමක් නොමැති බවත් රට කළමනාකරණය කරන්නට නොහැකි අදක්ෂ රජයක් රටේ ඇති බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ ඉදිරි පළාත් පාලන මැතිවරණය වෙනුවෙන් සමගි ජන බලවේගයේ මාතර දිස්ත්රික් අපේක්ෂකයන් දැනුවත් කිරීමේ අවස්ථාවට එක්වෙමිනි.
විදුලි බල ඇමතිවරයාට තම නිවස අවට ඇති ගම්මානවල විදුලි විසන්දි වූ පසු එම ගම්වලට විදුලිය දෙන්න නොහැකි වී ඇති බවත් එම ගම්මාන දවස් ගාණක් විදුලිය නොමැතිව දුක් විදින බවත් ආරක්ෂක නියෝජ්ය ඇමතිවරයා ජාතික ආරක්ෂාව ගැන ටියුෂන් දෙන්න කතා කළාට දේශබන්දු තෙන්නකෝන් බාරවනතුරු අත්අඩංගුවට ගත නොහැකි වූ බවත් ජනවාරියේ සිට අද වන තුරු ජීවිත 22ක් මිනිමරුවන් අතින් ඝාතනය වන විට ආරක්ෂක නියෝජ්ය ඇමතිවරයාට කිසිවක් කරන්න නොහැකි වී ඇති බවත් අද වන විට නීතිය හා සාමය වල්වැදී ජීවත් වීමේ නිදහස නැති වී ඇති බවත් විපක්ෂ නායකවරයා පැවසීය.
ආණ්ඩුව දන්නේ කෙදිරි ගාන්න විතරයි
මිනිමරුවන් රට පුරා භීතිය පතුරවන විට එය ජාතික ආරක්ෂාවට අදාළ නොමැති බවත් එය මහජන ආරක්ෂක ගැටලුවක් යැයි කියමින් ගියත් එය ජාතික ආරක්ෂාව සම්බන්ධ දැවැන්ත ගැටලුවක් බවත් ආණ්ඩුවක් පත්වන්නේ කයිවාරු ගහන්න නොව වැඩ කරන්න සේවාවක් ඉටු කරන්න ප්රතිපත්ති ක්රියාත්මක කරන්න බවත් ප්රශ්නවලට විසදුම් දෙනවා වෙනුවට මේ රජය කෙදිරි ගාමින් සිටින බවත් පොල් හිගයට සහල් හිගයට හේතුව රිලවුන් බල්ලන් යැයි කියමින් යන බවත් විපක්ෂ නායකවරයා වැඩිදුරටත් පැවසීය.
ආණ්ඩුව රැකියා විරහිත උපාධිධාරීනුත් විහිලුවට ලක් කරනවා
රැකියා විරහිත උපාධිධාරින් රැකියා ඉල්ලා සිටින විට ආණ්ඩුවේ ඇමතිවරු උසුලු විසුලු කරමින් රැකියා විරහිත උපාධිධාරින් විහිලුවට ලක් කරන බවත් වත්මන් රජය ජයග්රහණය කරවන්න උපකාරි කළ රැකියා විරහිත උපාධිධාරීන්ට අවසානයේ රෝහල් ගත වෙන්න තරම් ආණ්ඩුවේ මිලේච්ඡත්වය ක්රියාත්මක කරන බවත් විපක්ෂ නායකවරයා පැවසීය.
