2024 තුන්වැනි කාර්තුව වනවිට රාජ්ය අංශයේ වැඩකරන පිරිස තවදුරටත් පහළ ගොස් ඇති බව ජන හා සංඛ්යාලේඛන දෙපාර්තමේන්තුව විසින් 2024 තෙවැනි කාර්තුව සඳහා ඉදිරිපත් කොට ඇති ශ්රම බළකාය පිළිබඳ වාර්තාවන් අනුව පෙනීයන බව පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන අංශයේ අධ්යක්ෂ, මහාචාර්ය වසන්ත අතුකෝරල මහතා පැවැසීය. Sri Lanka Latest News
2021 තෙවැනි කාර්තුව වනවිට රාජ්ය අංශයේ සේවයේ නියුතු පිරිස 11,95,549ක් ලෙස පැවැති අතර, ඒ තුළ කෘෂිකාර්මික නොවන අංශ තුළ සේවා නියුක්තව සිටි පිරිස 11,81,326ක් ලෙස පැවැතිණි.
එහෙත් 2024 තෙවැනි කාර්තුව වනවිට රාජ්ය අංශයේ සිටින සේවක පිරිස 10,37,973ක් ලෙස වාර්තා වේ.
එහිදී අදාළ වසර තුනකු කාලය තුළ 1,57,576කින් පමණ රාජ්ය අංශයේ සිටින සේවක පිරිස පහළ ගොස් ඇති බව පෙන්නුම් කරනු ලබයි.
මෙම පහළ යෑම විශාල වශයෙන් සිදුව ඇත්තේ කෘෂිකාර්මික නොවන අංශයේ සේවා නියුක්තව සිටි පිරිසගෙන්ය.
පසුගිය වසර පහක කාලය තුළ රාජ්ය අංශයේ බඳවාගැනීම් නතර කර තිබීම නිසා රාජ්ය අංශයේ සේවක පිරිස මේ ආකාරයට පහළ යෑමට හේතු වී ඇත.
කෙසේ වුවද රාජ්ය අංශය තුළ තවමත් සමහර අංශවල අතිරික්ත සේවක සංඛ්යාවක් පවතින අතර, තවත් සමහර අංශවල සේවා සපයන්නන්ගේ හිඟයක් දැකගන්නට හැකිය.
මේ නිසා රාජ්ය අංශයේ සේවක කළමනාකරණය වඩාත් විධිමත් ආකාරයට සිදුකොට එහි ඵලදායිතාව සහ කාර්යක්ෂමතාව ඉහළ නංවමින් මහජනතාවට වඩාත් හොඳ සේවාවක් සපයන අංශයක් බවට පරිවර්තනය කිරීමේ අවශ්යතාව පවතින බවයි මහාචාර්යවරයා පෙන්වා දෙන්නේ.
ප්රේමලාල් විජේරත්න
