කච්චතිව් දූපත පවරාදීම සම්බන්ධයෙන් වන ඉන්දියාව සහ ශ්රී ලංකාව අතර ඇති කරගත් ගිවිසුම්වලට එරෙහිව අභාවප්රාප්ත හිටපු අභියෝගක පෙත්සම්කරු ලෙස තමිල්නාඩුවේ හිටපු ප්රධාන අමාත්ය එම්. කරුණානිධි වෙනුවට ඩී. එම්. කේ. පක්ෂ නායක ටී. ආර්. බාලු පත් කිරීමට ඉන්දීය ශ්රේෂ්ඨාධිකරණය අවසර ලබාදී තිබෙනවා.Sri Lanka Latest News
පසුගිය 25 වැනිදා මෙම නියෝගය නිකුත් කර ඇති බව ඉන්දීය මාධ්ය වාර්තා කළා.
1974 වසරේ ජුනි මස 26 සහ 28 යන දිනවල ඇති කරගත් ගිවිසුම් සහ 1976 වසරේ මාර්තු 23 වනදා ඇති කරගත් තවත් ගිවිසුමක් හරහා කච්චතිව් දූපත ශ්රී ලංකාවට භාරදීමට සම්බන්ධ සන්නිවේදනයන් ව්යවස්ථා විරෝධී සහ අවලංගු බවට පෙත්සම්කාර පාර්ශ්වය වෙනුවෙන් පෙනී සිටි නීතිඥවරයා මූලික කරුණු ඉදිරිපත් කිරීමක් සිදුකර තිබෙනවා.
අදාළ මූලික කරුණු ඉදිරිපත් කිරීම වෙනුවෙන් අගවිනිසුරු සංජීව් කන්නාගේ ප්රධානත්වයෙන් යුතු ත්රිපුද්ගල විනිසුරු මඩුල්ලක් විසින් විභාග කර තිබෙන බව සඳහන්.
ඒ අනුව අදාළ නඩුව 2025 සැප්තැම්බර් 15 වනදා විභාගයට ගැනීමට අධිකරණය නියෝග කර තිබෙනවා.
