තමන් පීඩා විදින ගැටලුවලට විසදුම් ලබා ගැනීමට මහජන දිනය යෙදෙන සදුදා දිනයේ මධ්යම පළාත් ආණ්ඩුකාරවරයා හමුවීමට මධ්යම පළාත් ආණ්ඩුකාර කාර්ය්යාලට පැමිණෙන මහජනතාවට ආණ්ඩුකාර කාර්ය්යාලය විසින් තුන්ඩු ලබා දීමක් සිදු කිරීම හේතුවෙන් ජනතාව දැඩි අපහසුතාවට පත්ව සිටිති. Sri Lanka Latest News
ජනතාව පීඩා විදින ගැටලුව කුමක් වුවත් මහජන දිනයට මධ්යම ආණ්ඩුකාර වරයා හමුවීමට අංක නිකුත් කරනු ලබන්නේ උදෑසන අංක පනහක් හා සවස් කාලයේ අංක පනහක් පමණි.
එම තුණ්ඩු නිකුක් කිරීම පිළිබඳව කිසිදු විනවිදභාවයක් නොමැති බව ආණ්ඩුකාර වරයා හමුවීමට ගොස් අවස්ථාව අහිමි වූ බොහෝ දෙනෙකු අප සමඟ පැවැසූහ.ආණ්ඩුකාර වරයා හමුවීමට පැමිණෙන ජනතාව මේ හේතුවෙන් දැඩි අසහනයට පත්ව සිටින අතර මාතලේ නුවරඑළිය වැනි දුර බැහැර දිස්ත්රික්කවල සිට සිය ගැටලු ආණ්ඩුකාර වරයාට ඉදිරිපත් කිරීමට පැමිණෙන ජනතාවට මේ හේතුවෙන් දැඩි අපහසුතාවට පත් වීමට සිදුවී තිබේ.
මධ්යම පළාත් ආණ්ඩුකාර වරයා හමුවීම සඳහා වැඩි වශයෙන් මහජන දිනයේ පැමිණෙන නුවරඑළිය හා මාතලේ දිස්ත්රික්ක වල දුර බැහැර ප්රදේශ වල රාජ්ය සේවකයින් ගුරුවරුන් මේ හේතුවෙන් දැඩි දුෂ්කරතාවකට පත්වන බව kandy prime news අප මේ පිළිබඳව කළ සොයා බැලීමකදී අනාවරණය විය.
මධ්යම පළාත් සභාව දැනට වසර ගණනාවක් තිස්සේ මහජන නියෝජිතයින්ගෙන් තොරව පවතින අතර රාජ්ය නිළධාරීන්ට අමතරව තම ගැටලු ඉදිරිපත් කිරීමට ඇති එකම වගකිව ආයතනය වන්නේ මධ්යම පළාත් සභාවේ ආණ්ඩුකාර කාර්ය්යාලයයි.
