අල සහ ලූණු නිෂ්පාදනය පසුගිය වසර තුළ වේගයෙන් කඩාවැටී ඇති බව ජන හා සංඛ්යාලේඛන දෙපාර්තමේන්තුව මගින් නිකුත් කර ඇති වාර්තා අනුව පැහැදිලි වන බව පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන අධ්යයන අංශයේ අධ්යක්ෂ, මහාචාර්ය වසන්ත අතුකෝරළ මහතා පැවැසීය. Sri Lanka Latest News
රටේ අල නිෂ්පාදනය 2019දී මෙටි්රක් ටොන් 101,642ක් ලෙස පැවැති අතර, 2022 වනවිට එය මෙටි්රක් ටොන් 47,614ක් දක්වාත්, 2023 වනවිට මෙටි්රක් ටොන් 40,749ක් දක්වාත් තවදුරටත් පහළ යෑමක් පෙන්නුම් කරනු ලබයි.
ඒ අනුව 2019 සිට 2023 දක්වා වූ වසර පහක කාලය තුළ මෙරට අල නිෂ්පාදනය 60%කින් පමණ පහළ ගොස් ඇත.
රටෙහි බීලූනු නිෂ්පාදනය 2014 වනවිට මෙටි්රක් ටොන් 98,900ක් ලෙස පැවැතිණි.
2020 වනවිට එය මෙටි්රක් ටොන් 30,481ක් ලෙස පහත වැටුණු අතර, 2023 වනවිට මෙටි්රක් ටොන් 6,961ක් දක්වා පහළ යෑමක් පෙන්නුම් කරනු ලබයි.
එනම් රටෙහි බීලූනු නිෂ්පාදනය 2014න් පසුව මෙටි්රක් ටොන් 91,939කින් පමණ 2023 වසරේදී පහළ ගොස් ඇත.
තවද රතු ලූනු නිෂ්පාදනය 2019දී මෙටි්රක් ටොන් 58,242ක් වූ අතර, 2023 වනවිට එය මෙටි්රක් ටොන් 49,351ක් දක්වා 15%කින් පහළ ගොස් ඇත.
රටෙහි දේශීයව නිපදවන අල, ලූනු වැනි ආහාර ද්රව්යවල නිෂ්පාදනය මේ ආකාරයට කඩාවැටීම නිසා ඒවා වෙනත් රටවලින් ආනයනය කිරීමට සිදුව ඇත. උදාහරණයක් ලෙස 2014 ආනයනය කරන ලද බීලූනු ප්රමාණය මෙටි්රක් ටොන් 1,50,534ක් වූ අතර, 2022 වනවිට මෙටි්රක් ටොන් 2,63,781ක් ආනයනය කොට ඇත.
මෙවැනි ආහාර ද්රව්ය විදේශවලින් ආනයනය කොට පරිභෝජනය කිරීම නිසා දේශීය පාරිභෝගිකයන්ට ගුණාත්මක බවින් අඩු ආහාර ද්රව්ය භාවිතයට ඉඩ සැලසෙනවා මෙන්ම ඒවා ආනයනය කිරීමට විදේශ මුදල් විශාල වශයෙන් වැයවීමක්ද සිදුවන බව මහාචාර්යවරයා පැවැසීය.
ප්රේමලාල් විජේරත්න
