කල්බදු ලීසිං සමාගමක නියෝජිතයන් පිරිසක් විසින් ලංකා ස්වයං රැකියා වෘත්තිකයින්ගේ ජාතික තී්ර රෝද රථ සංගමයේ සභාපති සුනිල් ජයවර්ධනගේ මහතාට කර තිබූ පහර දීමක් හේතුවෙන් ඒ මහතා මිය ගොස් ඇත.
ඔහුට ඊයේ පස්වරුවේ මෙලෙස පහර දී තිබුණේ මිරිහාන, පරණ කොට්ටාව පාර ප්රදේශයේ පිහිටි කල්බදු මූල්ය ආයතනයක් ඉදිරිපිටදීය. ඊයේ පස්වරු 06.20 ට පමණ එම ආයතනයේ සේවකයින් පිරිසක් සහ පිටස්තර පුද්ගලයින් දෙදෙනෙකු අතර ගැටුමක් හටගෙන ඇති බවට 119 පොලිස් හදිසි ඇමතුම් අංකයට ඇමතුමක් ලැබී ඇති අතර පසුව එම ස්ථානයට මිරිහාන පොලීසියේ නිලධාරීන් ද පැමිණ තිබේ.
අදාළ පහරදීමෙන් තුවාල ලැබූ ලංකා ස්වයං රැකියා වෘත්තිකයින්ගේ ජාතික තී්රරෝද රථ සංගමයේ සභාපති සුනිල් ජයවර්ධන, කලූබෝවිල රෝහලට ඇතුළත් කිරීමෙන් පසු මියගොස් ඇත. සිදුකෙරුණු විමර්ශනවලදී අනාවරණ වී ඇත්තේ ඔහුගේ සමීපතමයෙකු, අදාළ කල්බදු මූල්ය ආයතනය හරහා ලබාගත් තී්ර රෝද රථයක් සම්බන්ධයෙන් ඇතිවූ ගැටලූවක් දුරදිග යාමෙන් මෙම පහරදීම සිදුව ඇති බවයි.
