ලංකාවේ මේ වනවිට වයස අවුරුදු 60ට වැඩි ජනගහනය ලක්ෂ 40කට ආසන්න ප්රමාණයක් එනම් මුළු ජනගහනයෙන් 18%කට ආසන්න ප්රමාණයක් සිටී. Sri Lanka Latest News
මෙම පුද්ගලයන් අතරින් තුනෙන් එකකට ආසන්න ප්රමාණයක් ජීවත් වනුයේ ස්ථාවර තැන්පතු ප්රමාණයක් බැංකුවේ තබාගෙන එයින් මාසිකව ලැබෙන පොලියෙන් බව පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන අංශයේ අධ්යක්ෂ, මහාචාර්ය වසන්ත අතුකෝරල මහතා පැවැසීය.
ලංකාවේ 2023 ආරම්භය වනවිට පොලී අනුපාතය ඉතා ඉහළ මට්ටමක පැවැති අතර, ඒ නිසා ලක්ෂ 10කට ආසන්න මුදලක් ස්ථාවර තැන්පතු ලෙස පවත්වාගෙන යෑම තුළින් ඔවුන්ට මාසිකව රුපියල් 20,000කට ආසන්න පොලී ආදායමක් ලැබිණි.
එම පොලී ආදායම තුළින් තම මූලික අවශ්යතා සපුරා ගැනීමට, එනම් ඖෂධ ආදී මිලදී ගැනීමට ඔවුන්ට හැකියාව තිබිණි.
එහෙත් මේ වනවිට ස්ථාවර තැන්පතු සඳහා ගෙවන පොලී ප්රමාණය 7%ක් හෝ 8%ක් දක්වා පහළ ගොස් ඇත.
මේ නිසා ලක්ෂ 10ක තැන්පතුවක් සඳහා මාසිකව ලැබෙන පොලී ආදායම රු. 6,000කට ආසන්න මුදලක් දක්වා පහත වැටී ඇත.
මේ හේතුවෙන් රටේ ස්ථාවර තැන්පතු පොලී ආදායම මත යැපෙන වැඩිහිටි ජනතාව දැඩි අපහසුතාවකට පත්ව ඇති බවද මහාචාර්යවරයා පැවැසීය.
ප්රේමලාල් විජේරත්න
