ලංකාවේ මේ වනවිට ආර්ථිකමය වශයෙන් අක්රීය ජනගහනය, ආර්ථික වශයෙන් සක්රීය ප්රමාණයට වඩා 75,973කින් පහළ අගයක පවතින බව ජන හා සංඛ්යාලේඛන දෙපාර්තමේන්තුව ඉදිරිපත් කරනු ලබන වාර්තාවලින් හෙළිකර ඇතැයි පේරාදෙණිය විශ්වවිද්යාලයේ මානව ශාස්ත්ර සහ සංඛ්යාන විද්යා අංශයේ අධ්යක්ෂ මහාචාර්ය වසන්ත අතුකෝරල මහතා පැවැසීය. Sri Lanka Latest News
2024 ජුනි අවසන් වනවිට රටේ අර්ථිකමය වශයෙන් සක්රීයව සිටින පුද්ගලයන් සංඛ්යාව වන්නේ 83,86,482ක් වන අතර, එයින් 17%ක් පමණ නාගරික ප්රදේශවලත්, 78%ක් පමණ ග්රාමීය ප්රදේශවලත්, 4%ක් පමණ වතු ආශ්රිතවත් ජීවත්වන බව හෙළිවේ.
එහෙත් 2024 ජුනි මාසය අවසන් වනවිට එරටේ ආර්ථිකමය වශයෙන් අක්රීයව සිටින පුද්ගලයන් ප්රමාණය 91,62455කි.
එයින් 18%ක් පමණ නාගරික අංශයේ සිටින අතර, 78%ක් පමණ ග්රාමීය අංශයේ සහ 3%ක් වතු අංශයේ පදිංචිව සිටී.
රටෙහි ආර්ථික වශයෙන් සක්රීය පුද්ගලයන්ගෙන් 66.05%ක් පමණ පිරිමින් වන අතර, 33.05%ක් කාන්තාවන්ය.
තවද ආර්ථික වශයෙන් අක්රීය පුද්ගලයන්ගෙන් 28.5%ක් පමණ පිරිමින් වන අතර, 71.05%ක් කාන්තාවන්ය.
සාමාන්යයෙන් රටක සාපේක්ෂ වශයෙන් ආර්ථික ක්රියාකාරකම්වලට සක්රීයව දායක වන පිරිස ඉහළ අගයක පවතින්නේ නම් එය අනාගත ආර්ථික ප්රසාරණයන් සඳහා ධනාත්මකව බලපෑ හැකිය. නමුත් වර්තමානයේ රටේ පවතින ආර්ථිකමය වශයෙන් අක්රීය ජනගහන ප්රමාණයේ සාපේක්ෂ වැඩිවීම රටේ අනාගත ක්රියාකාරකම් සඳහා සුබවාදී ලෙස බලපාන්නේ නැති බවයි මහාචාර්යවරයා පැවැසුවේ.
ප්රේමලාල් විජේරත්න
