‘සන්ඩේ ලීඩර්’ පුවත්පතේ හිටපු කර්තෘ ලසන්ත වික්රමතුංග ඝාතනයට අදාළ 16 වසරක අතීත පරීක්ෂණ ගොනු එළියට අදිමින් රහස් පොලිසිය දීර්ඝ විශ්ලේෂණයක යෙදී සිටින බව රහස් පොලිස් ආරංචි මාර්ග සඳහන් කළේය.Sri Lanka Latest News
දේශපාලන හස්තයන්ගෙන් වසාදමා යටපත් කළ අදාළ විමර්ශන කටයුතු සහ ආන්දෝලනයට තුඩුදී තිබූ විමර්ශන එකොළහක පරීක්ෂණ ගොනුවල අතීතයට යමින් ඒවා පරීක්ෂණයට භාජනය කළ නිලධාරීන් පවා ඉදිරියේදී රහස් පොලිසියට කැඳවීමට කටයුතු කරගෙන යන බව උසස් පොලිස් නිලධාරියකු පැවැසීය.
අදාළ පරීක්ෂණ යටපත් වී ගිය අවධියේ සිටි විමර්ශන නිලධාරීන් මේ වනවිට විශ්රාම ගොස් ඇති බවද හෙළිව ඇති අතර, ඔවුන් සොයාගැනීමේ රාජකාරියද රහස් පොලිසියේ තවත් පිරිසකට පැවරී ඇති බව සඳහන්ය.
මේ අතර, මේ සම්බන්ධයෙන් පොලිස් මාධ්ය ප්රකාශක බුද්ධික මනතුංග මහතාගෙන් විමසූ විට ඔහු සඳහන් කළේ මේ වනවිට රහස් පොලිසියේ අධ්යක්ෂවරිය විදේශගත වී ඇති බැවින් ඇයගෙන් විමසීමක් නොකර පිළිතුරක් ලබාදිය නොහැකි බවයි.
එම ආන්දෝලනාත්මක ඝාතන සම්බන්ධයෙන් මහජන ආරක්ෂක කටයුතු පිළිබඳ නියෝජ්ය ඇමැති නීතිඥ සුනිල් වටගල මහතාගෙන් විමසූ විට ඔහු සඳහන් කළේ අදාළ පරීක්ෂණ නියමිත පරිදි සිදුකරගෙන යන බවයි. එම පරීක්ෂණ ඇනහිට නැති බවද ඔහු පැවැසීය.
ප්රේමලාල් විජේරත්න
