75 වසරක් ආයු වළඳා තවදුරටත් අප රටට අත්යාවශ්ය වූ ආගමික සාසනික සංස්කෘතික හා සමාජමය සංවර්ධනයේ පීතෘවරයකු ලෙස සිදු කළ විශිෂ්ඨ සේවාව ඉදිරියට කර ගෙන යාමට බානගල උපතිස්ස නායක ස්වාමීන් වහන්සේට සුබාශිංසනය, ආශිර්වාදය පුදකර සිටින බවත් හොඳ සෞඛ්ය සම්පන්න ජීවිතයක් ගත කිරිමට හැකියාව ලැබේවා කියා ප්රාර්ථනා කරන බවත් විපක්ෂ නායකවරයා පැවසීය.Sri Lanka Latest News
බානගල ස්වාමීන්වහන්සේගේ විශිෂ්ට සේවාව රටට අවශ්ය කාලයක් බවත් ආර්ථික සමාජීය පීඩන රැසකට රට ගොදුරු වී ඇති මොහොතක හැම අතකින්ම අප රටට අලුත් අගයක් එකතු කළ යුතු අවස්ථාවක් බවත් දිවංගත ජනාධිපති රණසිංහ ප්රේමදාස මහතාගේ ගම්උදා වැඩසටහන ශක්තිමත් කරන්න විශාල දායකත්වයක් ලබා දුන් බවත් සෙවනක් නැති ජනතාවට සෙවනක් ලබා දෙන සංකල්පය මහපොළොවේ යථාර්ථයක් කරන්න උන්වහන්සේ විශාල දායකත්වයක් ලබා දුන් බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ බානගල උපතිස්ස නාහිමියන්ගේ 75 වැනි ඡන්ම දින සංවත්සරය සැමරීම වෙනුවෙන් පැවැති උත්සවයක් අමතමිනි.
අප රටේ අවිධිමත්ව ක්රියාත්මක වන පෙරපාසල් සංකල්පය විදේශ රටවල ආයෝජන හරහා විධිමත් කර මුල් ළමා විය සංවර්ධනයට විශාල දායකත්වයක් ලබා දී දූදරුවන්ගේ අනාගත ගමන කුඩා කාලයේ දී ආලෝකමත් කරන්න උන්වහන්සේ නායකත්වය ශක්තිය ලබා දුන් බවත් අප රට තුළ පිහිටා ඇති සම්පත් හිඟතාවෙන් ඇති විහාරස්ථානවල වැසී යන්නට ඔන්න මෙන්න ඇති පන්සල් පද්ධතිය එහි ස්වාමීන් වහන්සේලා ශක්තිමත් කරමින් පන්සලක් සතුව ඇති ඒ සියලු ආගමික සමාජීය සංස්කෘතික සේවා ඉටු කරන්නට උන්වහන්සේ දැවැන්ත ජාතික ආගමික සංස්කෘතික මෙහෙයුමක නිරත වූ බවත් දුක්විදන ජනතාව වෙනුවෙන් උන්වහන්සේ අග්රගන්ය මෙහෙවරක් ඉටු කළ බවත් විපක්ෂ නායකවරයා තවදුරටත් පැවසීය.
අද වගේ යුගයක බානගල උපතිස්ස නාහිමියන්ගේ සේවාව වෙනදටත් වඩා ශක්තිමත්ව හා පුලුල්ව ක්රියාත්මක කිරීම වැදගත් බවත් වැටී ඇති ප්රපාතයෙන් අප රට ගොඩගන්නට රාජ්ය හා රාජ්ය නොවන සිවිල් සමාජය පුරවැසි පරපුර ආගමික නායකයන් එකතු කර ගෙන වාද භේදයකින් තොරව රට ගැන සිතා පරාර්ථකාමී විශිෂ්ට සේවාවක් ඉටු කිරීමේ ගමනට නව පරිච්ඡේයක් නිර්මානය කරන්න වාසනාව ලැබේවා කියා ප්රාර්ථනා කරන බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
