දැනට රට තුළ පවතින ඖෂධ සැපයුම් ජාලය සහ හිඟය නිවැරදි කිරීමට තවත් වසරක පමණ කාලයක් සිටීමට සිදුවන බවට රාජ්ය ඖෂධ සංස්ථාව සහ ඖෂධ නියාමන අධිකාරිය ප්රකාශයට පත් කරන්නේ නම් රට තුළ පවතින ඖෂධ හිඟයට සහ ප්රාදේශීය ඖෂධ මිලදී ගැනීම්වලින් රටට සිදුවන ආර්ථික අලාභයට වගකියන්නේ කවුදැයි වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානයේ සභාපති වෛද්ය චමල් සංජීව මහතා ප්රශ්න කරයි.Sri Lanka Latest News
වෛද්ය සැපයුම් ඒකකය තුළ රුපියල් බිලියන ගණනක් පමණ වටිනා දත්ත පද්ධතියක් ස්ථාපිත කර ඇති අතර එම දත්ත පද්ධතිය නිසි පරිදි ක්රියාත්මක නොවීමට මෙම ඖෂධ හි.යට හේතුවක් වන බැවින් ඒ සඳහා වගකීම යුතු සියලු නිලධාරීන් නීතිය හමුවට පැමිණිය යුතු බවද ඒ මහතා සඳහන් කරයි.
බාල ඖෂධ නැතැයි රාජ්ය ඹෘෂධ සංස්ථාවේ සභාපතිවරයා කරන අසත්ය ප්රකාශය පිළිකුලෙන් යුතුව හෙලා දකින බවත් බාල ඖෂධ සම්බන්ධව ජාත්යන්තර වශයෙන් ඇති පර්යේෂණ පත්රිකා කියවා බලා විෂය අවබෝධයක් ලබා ගැනීම වැදගත් බවද සඳහන් කරන අතර තමා සිදු කළ ප්රකාශය සම්බන්ධයෙන් ජනතාවගෙන් සමාව ගැන ඉල්ලා අස්විය යුතු බව වෛද්ය චමල් සංජීව මහතා වැඩිදුරටත් සඳහන් කළේය.
ගෝඨාභය රාජපක්ෂ සහ කෙහෙළිය රඹුක්කැල්ල කාලයේදී පත්කළ නිලධාරීන් සමග වර්තමාන සෞඛ්ය පද්ධතියට ගමන් කළ නොහැකි බව සෞඛ්ය අමාත්ය නලින්ද ජාතික මහතා අවබෝධ කරගත යුතු බවද ඔහු සඳහන් කරයි.
මින් ඉදිරියට සෞඛ්ය පද්ධතිය සිදුවන බාල ඖෂධ වාර්තා වීම් හෝ මිනිස් ජීවිත හානි වලට වර්තමාන සෞඛ්ය ලේකම්වරයා ඇතුළු සියලු නිලධාරීන් සෘජුව වගකිව යුතු බැවින් අමාත්යාංශය තුළ කඩිනමින් ප්රතිසංවිධාන විය යුතු බව ඔහු තවදුරටත් පැවසුවේ ය.
