පාර්ලිමේන්තු මන්ත්රීවරුන්ගේ අධ්යාපන සුදුසුකම් සම්බන්ධයෙන් මේ වනවිට රට ඇතුළේ මතුව ඇති සංවාදය මුල්කරගෙන මන්ත්රීවරුන් 225 දෙනාගේම අධ්යාපන සුදුසුකම් රටට හෙළිදරව් කළ යුතු බවට වූ යෝජනාවක් පාර්ලිමේන්තුවට ඉදිරිපත් කිරීමට විපක්ෂය සූදානමින් සිටින බව වාර්තා වේ.Sri Lanka Latest News
ඒ අනුව, ලබන ජනවාරි මාසයේ පාර්ලිමේන්තුව ආරම්භ වූ විට එම යෝජනාව ඉදිරිපත් කිරීමට විපක්ෂයේ මන්ත්රීවරුන් කණ්ඩායමක් සූදානමින් සිටින බව දැනගන්නට ඇත.
හිටපු කතානායක අශෝක රංවල මහතාගේ ආචාර්ය උපාධිය සම්බන්ධයෙන් බරපතළ ප්රශ්නයක් පැනනැගුණු අතර, විපක්ෂයේ විරෝධය හමුවේ ඊට අදාළ සහතික ඉදිරිපත් කරගත නොහැකිව රංවල මහතා කතානායක ධුරයෙන් ඉල්ලා අස්විය.
ඒ සමගම ආණ්ඩු පක්ෂයද විපක්ෂයට චෝදනා එල්ල කරමින් කියා සිටියේ විපක්ෂ නායකවරයාද සිය අධ්යාපන සහතික ඉදිරිපත් කිරීමට කටයුතු කළ යුතු යැයි කියාය.
ආණ්ඩුවේ එම අභියෝගය බාරගනිමින් විපක්ෂ නායකවරයා ඊට පසු දිනම සිය අධ්යාපන සහතික පාර්ලිමේන්තුවේ හැන්සාඩ් කාර්යාලයට බාරදීමට පියවර ගෙන තිබිණි.
ඉන් පසුව සජබ පාර්ලිමේන්තු මන්ත්රී නලින් බණ්ඩාර මහතා කියා සිටියේ මුලින්ම කැබිනට් මණ්ඩලයේ සිටින සියලු මන්ත්රීවරුන්ගේ අධ්යාපන සුදුසුකම් රටට අනාවරණ කිරීමට ආණ්ඩුව කටයුතු කළයුතු යැයි කියාය.
කෙසේ වෙතත් මේ වනවිට එම යෝජනාව තවත් ඉදිරියට ගොස් සියලු පාර්ලිමේන්තු මන්ත්රීවරුන්ගේ අධ්යාපන සුදුසුකම් රටට හෙළිදරව් කිරීමට කටයුතු කළ යුතු බව කියමින් සිවිල් සංවිධාන රැසක් විශේෂ යෝජනාවක් විපක්ෂය වෙත ඉදිරිපත් කොට තිබිණි.
ඒ අනුව විපක්ෂය මේ වනවිට සූදානම් වන්නේ අදාළ යෝජනාව පාර්ලිමේන්තුවට ඉදිරිපත් කිරීමටය.
