දකුණු ඉන්දියානු ධීවරයන් නීති විරෝධීව උතුරු මුහුදේ සිදුකරගෙන යන මත්ස්ය කොල්ලය පසුගිය වසරට වඩා මෙම වසරේ වැඩිවී ඇති බව නාවික හමුදා මෙහෙයුම්වලදී හෙළිව තිබේ. (Sri Lanka Latest News)
මේ සම්බන්ධයෙන් නාවික හමුදාවේ මාධ්ය ප්රකාශක කැප්ටන් ගයාන් වික්රමසූරිය මහතා සඳහන් කළේ මෙම වසරේ ජනවාරි 10 දා සිට මේ දක්වා යාපනය සහ මන්නාරම් මුහුදු ප්රදේශවලට නීති විරෝධීව ඇතුළුවී මත්ස්ය කොල්ලයේ යෙදෙමින් සිටි ඉන්දියානු ධීවර බෝට්ටු 66ක් සමග ධීවරයන් 515ක් නාවික හමුදාව විසින් අත්අඩංගුවට ගෙන ඇති බවයි.
පසුගිය වසරේදී පමණක් එවැනි අන්දමට ශ්රී ලංකා මුහුදු සීමාවේ නීති විරෝධී මත්ස්ය කොල්ලයේ යෙදුණු ඉන්දීය ධීවර බෝට්ටු 35ක් සමග ධීවරයන් 240 දෙනකු අත්අඩංගුවට ගෙන තිබිණි.
මේ අතර, පසුගිය රජයේ ඉහළ දේශපාලනඥයන්ගේ යෝජනාව වී තිබුණේ ඉන්දියානු ධීවරයන්ට මෙරට මුහුදට ඒමට බලපත්ර ක්රමයක් ක්රියාත්මක කිරීමටයි.
මෙම මත්ස්ය කොල්ලය නිසා උතුරේ සිටින ශ්රී ලාංකික ධීවරයන්ගේ ධීවර වෘත්තියට මහත් තර්ජනයක් එල්ල වී ඇති බවයි උතුරේ ධීවර ප්රජාව පවසන්නේ.
හිටපු ධීවර අමාත්යවරුන්ද මෙය ජාත්යන්තර ප්රශ්නයක් බව පවසමින් වසර ගණනක් තිස්සේ ප්රශ්නය විසඳනු වෙනුවට කල් මරමින් සිටි බවයි ධීවර ප්රජාව පැවැසුවේ.
ප්රේමලාල් විජේරත්න
