ලබන වසර සඳහා ජනප්රිය පාසල්වලට ළමුන් ඇතුළත් කිරීමේදී සහ අ.පො.ස. උසස්පෙළට ළමුන් ඇතුළත් කරගැනීමේදී ඇතැම් විදුහල්පතිවරුන් මවුපියන්ට දරාගත නොහැකි අන්දමට මුදල් එකතු කිරීම මේ වනවිට ඔඩුදුවා ඇති බව ලංකා ගුරු සේවා සංගමයේ ලේකම් ජෝසප් ස්ටාලින් මහතා අධ්යාපන බලධාරීන්ට පෙන්වා දී තිබේ. (Sri Lanka Latest News)
වත්මන් රජය බලයට පත්වීමෙන් පසුව වෘත්තීය සමිති ඒකාබද්ධ බලමණ්ඩලයේ නියෝජිත පිරිසක් අග්රාමාත්යවරිය හමුවූ අවස්ථාවේ මවුපියන් මත බර පැටවීම පිළිබඳ ප්රශ්නය ඇයට ඉදිරිපත් කරන ලදැයිද ස්ටාලින් මහතා ‘මව්රට’ට පැවැසීය.
2015 වසරේ එවක සිටි අධ්යාපන බලධාරියකු යවා ඇති චක්රලේඛයක සඳහන් කර ඇත්තේ පාසල් නඩත්තුව සඳහා යන වියදම පාසල්වල සිටින සිසු සංඛ්යාව අනුව බෙදා මවුපියන්ගෙන් අයකරගන්නා ලෙස බවද ඔහු පැවැසීය.
එම චක්රලේඛය අවලංගු කර මවුපියන් ගසාකන මෙම ජාවාරම අත්හිටුවන ලෙසද වෘත්තීය සමිති අධ්යාපන බලධාරීන්ට දැනුම් දී තිබේ.
මෙම ක්රියාදාමයන් නිසා එය නිදහස් අධ්යාපනයද විනාශ කිරීමක් බව ජෝෂප් ස්ටාලින් මහතා පෙන්වා දී තිබේ.
දුප්පත් මවුපියන් මේ නිසා අපහසුතාවට පත්වන අතර, ඔවුන්ගේ දක්ෂ දරුවන්ට ජනප්රිය පාසලකට යෑමේ ඉඩකඩ දැනටමත් ඇහිරී ඇති බවයි ඔහු පෙන්වා දෙන්නේ.
ප්රේමලාල් විජේරත්න
