නිර්ධන පන්තිය නියෝජනය කරනවා කියා සාමාන්ය ජනතාවගේ දුක හදුනනවා කියපු අනුර කුමාර දිසානායක ජනාධිපතිවරයා ජනාධිපති වී සතියක් යාමටත් පෙර ත්රිපෝෂ කර්මාන්තශාලාව ඈවර කිරීමේ, වසා දැමීමේ කුමන්ත්රණයක නිරත වන බවත් රටේ දරුවන්ට මව්වරුන්ට විරුද්ධව කුමන්ත්රණයක් බවත් අප රටේ වසර 5ට අඩු අඩු බර දරුවන්ටල නීරක්තියෙන් පෙළෙන ගැබිනි මව්වරුන්ට කිරිදෙන මව්වරුන්ට ත්රිපෝෂ ලැබෙන බවත් මාසෙකට පැකට් ලක්ෂ 16ක් ලබා දෙන බවත් දැනට මව්වරුන් 664920ක් සහ දරුවන් 925172 කට ලබා දෙන නමුත් වත්මන් ජනාධිපතිවරයා බලයට පත්වූ පසු 2024 සැප්තැම්බර් 27 අංක 2403/ 53 දරණ ගැසට් නිවේදනය හරහා ත්රිපෝෂ සමාගම ඈවර කරන්න හෝ වෙනත් සමාගමකට ඒකාබද්ධ කරන්න තීන්දු කර ඇති බවත් සජිත් ප්රේමදාස මහතා පැවසීය.Sri Lanka Latest News
පාස්කු ප්රහාරය, කොරෝනා කෝවිඩ් සහ බංකොලොත්භාවය නිසා මව්වරුන්ගේ දරුවන්ගේ මන්දපෝෂණය ඉහළ ගොස් ඇති බව යුනිසෙෆ් ආයතනය, එක්සත් ජාතීන්ගේ සංවිධාන පවා පිළිගන්නා තත්ත්වයක් තුළ මෙරට පොඩි මිනිසා වෙනුවෙන් සටන් කරනවා කියපු අනුර කුමාර දිසානායක ජනාධිපතිවරයාගේ රජය ගැසට් පත්රයක් හරහා ත්රිපෝෂ කර්මාන්තශාලාව විනාශ කරන්න හදන බවත් එය රටට සම්පතක් බවත් එහි යන්ත්ර සූත්රවල ධාරිතාව ත්රිපෝෂ නිෂ්පාදනයටත් වඩා වැඩි නිසා අමතර සීරියල් නිෂ්පාදනය කරලා රජයට වාර්ෂිකව මිලියන 500ක් ද ලබා දෙන බවත් මෙවැනි තත්ත්වයක් තුළ හිතක් පපුවක් ඇති ආණ්ඩුවකට අම්මලා දරුවන් වෙනුවෙන් ලබා දෙන ත්රිපෝෂ නිෂ්පාදන කර්මාන්තශාලාව වහන්නේ කොහොමද කියා ප්රශ්න කරන බවත් සජිත් ප්රේමදාස මහතා පැවසීය.
පෞද්ගලික සමාගමක් හරහා මෙය ක්රියාත්මක කරන්න කටයුතු කරන බවත් මෙම උත්සාහය පරාජය කරන්න කටයුතු කරන බවත් මව්වරුන් දරුවන් වෙනුවෙන් සටන කරන්න සමගි ජන බලවේගය කැපවෙන බවත් මෙයට විරුද්ධව කතා කරන නිසා කඩිමුඩියේ නිවේදන නිකුත් කර එවැනි දෙයක් නොවන බවට ප්රචාර ගෙන යන බවත් සජිත් ප්රේමදාස මහතා පැවසීය.
සමගි ජන බලවේගයේ නායක සජිත් ප්රේමදාස මහතා මේ බව කියා සිටියේ අවිස්සාවේල්ලේ පැවැති ජන හමුවක් අමතමිනි.
අනුර කුමාර දිසානායක ජනාධිපතිවරයා බලය ලැබුනම බදු බරල තෙල් මිලල විදුලි බිල වැඩි කර රාජ්ය සේවයේ වැටුප් දීමනා වැඩි කරනවා කිව්වත් අද ඒ කිසිවක් ඉටු නොවු බවත් අද වන විට පාස්පෝට් පෝලිම හෝ අඩු වී නොමැති බවත් මෑත කාලයේ පොල් පෝලිම් ද ඇතිව තිබෙන බවත් සජිත් ප්රේමදාස මහතා පැවසීය.
වත්මන් ජනාධිපතිවරයා ජනාධිපති වේදිකාවක් වේදිකාවක් පාසා වරායෙන් තෙල් බාන්නේ එක මිලකට සහ එම තෙල් ජනතාවට විකුණන්නේ තව මිලක් බවත් එයට හේතුව අධික බදු බර දූෂණය වංචාව හොරකම නිසා ඒවා නැති කර එම වාසිය ජනතාවට ලබා දෙන බව පැවසුවත් අද වන විට එම පොරොන්දුවත් පුස්සක් වී ඇති බවත් තෙල් සංස්ථාවේ ජනාධිපතිවරයාට නම් අල්ලස් කොමිස් මුදල් වංචා සොයා ගත නොහැකි බවට පවසන බවත් තෙල් අඩු කරන්නේ මුදල් අමාත්යාංශයේ තීන්දුව අනුව බවත් තෙල් අඩු කළොත් රට බංකොලොත් වන බව තෙල් සංස්ථාවේ සභාපතිවරයා එසේ කියද්දි අනුර කුමාර දිසානායක ජනාධිපති අපේක්ෂයා ඇතුළු ජනතා විමුක්ති පෙරමුණේ ප්රබල නායකයන් බොරු කියමින් යන බවත් සජිත් ප්රේමදාස මහතා පැවසීය.
33%කින් විදුලි බිල අඩු කරනවා යැයි කිව්වත් එයද අඩු නොවූ බවත් මේවා කරන්න පාර්ලිමේන්තුව රැස්වීම අවශ්ය නොවන බවත් මේවා කරන්න තවමත් ප්රමාද නොමැති බවත් බදු පවා අඩු කිරීමේ හැකියාව තිබුනත් ජනාධිපතිවරයා අයි එම් එෆ් එක ඉදිරියේ දණ නමා වහලකු බවට පත්ව අයි එම් එෆ් එක කියන කියන පදයට නටන බවත් ඊට අමතරව පාස්පෝට් පොලිමට විසදුමක් දෙනවා කිව්වත් අද වන විට පෝලිමට විසදුමක් ලබා දී පාස්පෝට් පොලිම ඔන්ලයින් ඇතිව තිබෙන බවත් ඔන්ලයින් පාස්පෝට් ගන්නත් මාස ගණනාවක් යන බවත් සජිත් ප්රේමදාස මහතා පැවසීය.
මේ ආකාරයට ගියොත් 2028 ණය ගෙවා ගත නොහැකිව නැවතත් බංකොලොත් වන නිසා නව අයි එම් එෆ් ගිවිසුමකට ගොස් රටක් ලෙස නැවත ශක්තිමත් වීමට අවශ්ය බලය සහ කණ්ඩායම සමගි ජන බලවේගය සතු බැවින් සමගි ජන බලවේගයට පාර්ලිමේන්තුවේ බහුතරය ලබා දෙන ලෙස ඉල්ලා සිටින බවත් සජිත් ප්රේමදාස මහතා අවධාරණය කළේය.
