අනුර කුමාර දිසානායක ජනාධිපතිවරයාගේ වත්මන් වැඩපිළිවෙළ නිසා ජනතාව අසරණ වී ඇති බවත් ජනාධිපති අපේක්ෂකයා ලෙස ජනාධිපතිවරයා ලෙස පත්වු පසු ජනතාවට සහන දෙනවා කිව්වක් දීපු සහනයක් නොමැති බවත් සජිත් ප්රේමදාස මහතා පැවසීය.Sri Lanka Latest News
සමගි ජන බලවේගයේ නායක සජිත් ප්රේමදාස මහතා මේ බව කියා සිටියේ කොලොන්නාවේ පැවැති ජන හමුවකදීය
සාමාන්ය ජනතාව භාවිත කරන සහල් ටිකවත් හරියට දී ගන්න බැරි බවත් මැත කාලයේ පොල් පෝලිමක් පවා ඇතිව තිබෙන බවත් තෙල් මිල පවා අඩු කරනවා යැයි පැවසුවත් තෙල්මිලේ බරපතල අසාධාරණයක් ඇති බවත් කොමිස් හොරකම වංචාව අල්ලස නිසා පාරිභෝගික ජනතාවට අසාධාරණයක් වන බව පැවසුවත් පසුගිය දිනක තෙල් සංස්ථාවේ සභාපති කියන්නේ වෙන දෙයක් බවත් තෙල් මිල අඩු කර රටේ අනික් ජනතාව බඩගින්නෙ තියන්න බැ කියන බවත් ජනාධිපතිවරයා පත්කළ සභාපතිම ජනාධිපති කිව් දේ බොරුවක් බවට පවසන බවත් සජිත් ප්රේමදාස මහතා පැවසීය.
ජනපතිගෙයි සභාපතිවරුන්ගෙයි කතා එකිනෙකට පරස්පරයි
අනුර කුමාර දිසානායක ජනාධිපතිවරයාගේ සහ තෙල් සංස්ථාවේ සභාපතිවරයාගේ මතය වෙනස් බවත් ජනතා විමුක්ති පෙරමුණේ අය කියන කොමිස් ගැහිල්ලක් ගැන නොදන්නා බවත් තෙල් මිල අඩු කර රටවට්ටන්න බැහැ යැයි කියන බවත් මැතිවරණ වේදිකාවේ එක කතාවක් සහ ජනාධිපතිවරයා පත් කළ සභාපතිවරයා කියන කතාවත් අතර පරස්පරතා ඇති බවත් සජිත් ප්රේමදාස මහතා පැවසීය.
පසුගිය රජය ගහපු කොමිස් වත්මන් රජයත් ගහනවද?
විදුලි බිලටත් කිවිවෙි එවැනි දෙයක් බවත් අධික විදුලි බිලට හේතුව කොමිස් කිව්වත් තවමත් විදුලි බිල අඩු කරන්න නොහැකි වී ඇති බවත් අඩු කරනවා යැයි කියු විදුලි බිල අඩු නොකරන හේතුව දැන ගන්නට කැමති බවත් පසුගිය රජය ගහපු කොමිස් වත්මන් රජයත් ගහනවද කියා සැකයක් ඇති බවත් සජිත් ප්රේමදාස මහතා අවධාරණය කළේය.
බදු අඩු කරනවා කියු ජනාධිපතිවරයා අද අයි එම් එෆ් එක ළඟ දණ ගහල ඇති බවත් බදු එකක්වත් අඩු කර නොමැති බවත් ජනාධිපතිවරයා අයි එම් එෆ් එකේ රූකඩයක් වී ඇති බවත් පැවසු සජිත් ප්රේමදාස මහතා කියා සිටියේ වත්මන් ජනාධිපතිවරයාට අයි එම් එෆ් එක ඉදිරියේ කොන්දක් නැති වුනාට සමගි ජන බලවේගය අයි එම් එෆ් එක සමග එකගත ඇති කර ගත්තේ විපක්ෂයේ සිට බවයි.
විෂය නිර්දේශ හරියට ආවරණය නොවී උසස් පෙළ පවත්වනවා
වත්මන් ජනාධිපතිවරයාට ශිෂ්යත්ව විභාගයට මුහුණ දුන් දරුවන්ට සාධාරණත්වය ඉටු කරන්න නොහැකි වි ඇති බවත් උසස් පෙළ විෂය නිර්දේශ ආවරණය නොවි විභාගයට මුහුණ දෙන තැනට රට පත්ව අසාර්ථක රාජ්ය පාලනයක් ක්රියාත්මක කරන බවත් මෙවැනි තත්ත්වයක් තුළ රට මුදා ගත නොගත්තොත් රට බංකොලොත් වන බවත් සජිත් ප්රේමදාස මහතා පැවසීය.
