මෙවර මහමැතිවරණයේදී එක්සත් ජාතික පක්ෂයේ ඉදිරි පෙළ නායකයන් කිසිවකුත් මැතිවරණයට ඉදිරිපත් වී නොසිටීම විශේෂ සිදුවීමක් ලෙස දේශපාලන විශ්ලේෂකයෝ පෙන්වා දෙති.Sri Lanka Latest News
පක්ෂ නායක රනිල් වික්රමසිංහ මහතා, උපනායක අකිල විරාජ් කාරියවසම් මහත, සභාපති වජිර අබේවර්ධන සහ මහලේකම් පාලිත රංගේ බණ්ඩාර යන මහත්වරු මෙවර තරගයට ඉදිරිපත්ව නැත.
මීට අමතරව පරිපාලන ලේකම් රවී කරුණානායක මහතා ජාතික ලයිස්තුවට ඇතුළත්ව සිටී.
මහාමාන්ය ඩී.එස්. සේනානායක මහතා එක්සත් ජාතික පක්ෂය නිර්මාණය කිරීමෙන් අනතුරුව මේ අයුරින් පක්ෂ නායක, උපනායක, සභාපති, මහලේකම් යන තනතුරු දරන සිව්දෙනාම මහමැතිවරණයකට ඉදිරිපත් නොවන්නේ ඉතිහාසයේ පළමු වතාවටය.
පසුගිය ජනාධිපතිවරණයේදී පක්ෂ නායක රනිල් වික්රමසිංහ මහතා අපේක්ෂකයකු වශයෙන් ඉදිරිපත් වුවද දේශපාලන විශ්ලේෂකයන් පෙන්වා දෙන්නේ ඒ මහතා ජයග්රහණය කිරීමට වඩා සජිත් ප්රේමදාස මහතා පරාජය කිරීමේ අරමුණින් හෙතෙම ඉදිරිපත් වූ බවකි.
