දේශපාලනික වශයෙන් පසුබැමකට ලක්වුවත් රටට මුල්තැන දියයුතු බවත් ලක්ෂ 220ර ජනතාව ශක්තිමත් කළ යුතු බවත් රටට ඉටුවිය යුතු යුතුකම නොපිරිහෙලා ඉටු කරන බවත් එය සමගි ජන බලවේගයේ දර්ශනය බවත් විපක්ෂ නායක සජිත් ප්රේමදාස මහතා පැවසීය. (Sri Lanka Latest News)
විපක්ෂ නායක සජිත් ප්රේමදාස මහතා මේ බව කියා සිටියේ අද හෝමාගම පැවැති සමගි ජනබලවේගයේ පාක්ෂිකයන් සමග පැවැති හමුවකදීය.
ප්රජාතන්ත්රවාදී ගමන ක්රියාත්මක කරන්නේ ජනතාවගේ ආශිර්වාදය මත බවත් එය රට දිනවන්න බවත් මේ දේශපාලනය හරහා රට දිනවන ශක්තිමත් කරන වැඩපිළිවෙළකට මුල පුරා ලක්ෂ 220 ජනතාව ආරක්ෂා කර රැක ගෙන සියලු පුරවැසියන් රැකගෙන ආරක්ෂා කර ගෙන සෞභාග්යය සම්පන්න රටක් නිර්මාණය කරන බවත් විපක්ෂ නායකවරයා පැවසීය.
ඉන්දීය විදේශ අමාත්ය ආචාර්ය ජයශංකර් මහතා හමුවු අවස්ථාවේ ලංකාව වෙනුවෙන් දෙන සහයෝගය සම්බන්ධයෙන් සිය ස්තුතිය පිරිනැමු බවත් බංකොලොත් වූ අවස්ථාවේ සිට තනි රටක් ලෙස ඔවුන් විශාල ආධාර ලබා දුන් බවත් ඔහුට සිය ස්තුතිය පුදකරමින් තවතවත් සහාය ලබා දෙන ලෙස ඉල්ලා සිටි බවත් විපක්ෂ නායකවරයා පැවසීය.
එමෙන්ම මෙරටට එන ඉන්දීය සංචාරකයන් වර්ධනය කරන ලෙසත් ඉන්දියාවේ විවිධ ව්යාපාර හා ආයෝජකයන් ට අප රටේ කර්මාන්ත ශාලා ඇති කර තොරතුරු තාක්ෂණ ක්ෂේත්රයේ ද ඉන්දීය ආයෝජන වර්ධනය කරන ලෙස ඉල්ලා සිටි බවත් විපක්ෂ නායකවරයා වැඩිදුරටත් පැවසීය.
සෑම විටම රට වෙනුවෙන් පෙනී සිටිය යුතුයි
තවද අප අදටත් බංකොලොත් බවත් ණය ගෙවාගත නොහැකි රටක් බවත් 2028 වන විට නැවත ණය ගෙවිය යුතු බවත් එම නිසා සැම අවස්ථාවකදීම රටේ සංවර්ධන වෙනුවෙන් පෙනී සිටිය යුතු බවත් ඒ වෙනුවෙන් උපරිම කාර්ය ඉටු කළ යුතු බවත් සමගි ජන බලවේගයේ දර්ශනයේ අරමුණ ලොව පළමු තැනට ලංකාව පත් කිිරීම බවත් ඒ සදහා ආර්ථිකය ශක්තිමත් කළ යුතු බවත් විපක්ෂ නායකවරයා වැඩිදුරටත් පැවසීය.
සෑම ක්ෂේත්රයකට දියුණුවක් ප්රවර්ධනයක් ලබා ආර්ථිකය දියුණු කළ යුතු බවත් අපට ආසන්න ඉන්දියාවේ සහාය අප ලබා ගත යුතු බවත් දුක්විදින ජනතාව සිටින අප රටේ දුප්පත්කමින් මිදෙන්න පැහැදිලි වැඩපිළිවෙළක් අවශ්ය බවත් අපනයන කේන්ද්රීය කර්මාන්ත පද්ධතියක් නිර්මාණය විය යුතු බවත් ඒ හරහා තරුණ තරුණියන්ගේ රැකියා ගැටලුවලට විසදුම් ලැබෙන බවත් විපක්ෂ නායකවරයා තවදුරටත් පැවසීය.
දක්ෂයෝ ඉන්නේ අපි එක්ක
දක්ෂයෝ සියල්ල ඉන්නේ තමා සමග බවත් රටට ගොඩනගන්න නම් ආර්ථිකය ශක්තිමත් කරන පැහැදිලි සැලසුමක් තිබිය යුතු බවත් ඒ වෙනුවෙන් කැපවෙන ලෙස ඉල්ලා සිටින බවත් විපක්ෂ නායක සජිත් ප්රේමදාස මහතා පැවසීය.
