මැද පෙරදිග යුද්ධය හේතුවෙන් බ්රෙන්ට් බොරතෙල් බැරලයක මිල ඩොලර් 75.08ක් දක්වා ඊයේ (ඔක්. 2) ඉහළ ගිය බව ‘ඔයිල් ප්රයිස්’ වෙබ් අඩවි දත්ත වාර්තා පෙන්වා දෙයි.Sri Lanka Latest News
බ්රෙන්ට් බොර තෙල් බැරලයක මිල පෙරේදා (ඔක්. 1) ඩොලර් 70 ක් ලෙස සටහන් වූ අතර ඉරානය ඊශ්රායලයට ප්රහාර එල්ල කර පැය 24 ඇතුළත ඛනිජ තෙල් බැරලයක මිල ඩොලර් 5කින් ඉහළ ගොස් ඇති බව එම දත්ත වාර්තා පෙන්වා දෙයි.
ඉරානය ඊශ්රායලයට එල්ල කළ මිසයිල ප්රහාරවලින් පසුව ඉරාන ඛනිජ තෙල් ගබඩා සංකීර්ණ ඊශ්රායල් ප්රහාර ඉලක්ක බවට පත්වී ඇත.
ඉරානය ඊශ්රායලයට බැලස්ටික් මිසයිල ප්රහාරය දියත් කිරීමෙන් පසු බොරතෙල් සැපයුම් සඳහා සැබෑ තර්ජනයක් ඇති වී තිබෙන බව තෙල් මිල සම්බන්ධ නිරීක්ෂක කණ්ඩායම්වල මතය වී තිබේ.
මේ අතර, ඊශ්රායලය, ඉරාන හා ලෙබනන් හිස්බුල්ලා යන පාර්ශ්ව අතර යුද ගැටුම් තවදුරට ත් වර්ධනය වුවහොත් ඉරානය හා එක්සත් අරාබි එමීර් රාජ්ය අතර ‘හෝමුස්’ නමැති සමුද්ර සන්ධිය ඔස්සේ කෙරෙන ඉන්ධන ප්රවාහන යාත්රා ගමනාගමනයට බාධා එල්ල විය හැකි බව වාර්තා වේ.
ඒ අනුව, බොරතෙල් මිල තවදුරට ත් ඉහළ යෑමේ ඉඩකඩ ඇති බව එම ජාත්යන්තර මාධ්ය වාර්තා පෙන්වා දී තිබේ.
ඉරානය සහ ඕමානය අතර පිහිටි මෙම මුහුදු මාර්ගය ලෝකයේ ඉන්ධන වෙළෙඳාමට විශාල දායකත්වයක් ලබා දෙන බව ත් මේ ඔස්සේ ලෝක ඉන්ධන සැපයුම තුළ සියයට 20ක් පමණ කොටසක් ප්රවාහනය කෙරෙන බව ත් එම වාර්තා මගින් කියැවේ.
