2023 වසර තුළ රිය අනතුරුවලින් පුද්ගලයන් 2,500කට ආසන්න පිරිසක් මියගොස් ඇති බව ප්රවාහන අමාත්යාංශය මගින් නිකුත් කළ වාර්තා අනුව පැහැදිලි වේ. (Sri Lanka Latest News)
2022 වසර තුළදී ලංකාවේ රිය අනතුරු 21,000කට ආසන්න සංඛ්යාවක් සිදුවී ඇති අතර, එයින් 2,395ක් පමණ මාරාන්තික රිය අනතුරු බවත්, 6,231ක් බරපතළ අනතුරු බවත් වාර්තා වේ.
රිය අනතුරුවලට ලක්වන වාහන කණ්ඩයන් සලකා බලන විට 34%ක් පමණ යතුරුපැදි වන අතර, 16%ක් ත්රිරෝද රථ වේ.
තවද 16%ක් මෝටර් කාර් රථ අනතුරට ලක්ව ඇති අතර, 13%ක් ද්විත්ව කාර්ය වාහන වන බවත්, අනතුරුවලට ලක්වූ වාහනවලින් 11%ක් ලොරි රථ වන බවත් පේරාදෙණිය විශ්වවිද්යාලයේ මානව ශාස්ත්ර සහ සමාජ විද්යා පශ්චාත් උපාධි අධ්යයන අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරල මහතා පැවැසීය.
සාමාන්යයෙන් රිය අනතුරුවලින් මියයන පුද්ගලයන්ගෙන් 60%කට වැඩි පිරිසක් පදිකයන් හෝ යතුරුපැදිකරුවන්ය.
මියගිය අයගෙන් 12%ක් මගීන් වන අතර පාපැදිකරුවන් 9%ක් සහ රියැදුරන් 7%ක් පමණ සිටී.
ලංකාවේ මාර්ග පද්ධතිය තුළ පවත්නා ගැටලු සහ රියැදුරන්ගේ විනයක් නොමැතිකම මෙලෙස මාර්ග අනතුරු වැඩිවීම සඳහා බලපාන ප්රධාන කරුණු බව හඳුනාගත හැකිය.
එමෙන්ම රිය අනතුරු නිසා සෑම දිනකම පුද්ගලයන් 7 දෙනකුට පමණ දිවි අහිමි වන අතර, සෑම පැය තුනක් හතරක් අතරතුරදී කිසියම් පුද්ගලයකු රිය අනතුරුවලින් දිවි අහිමි වන බව පෙන්නුම් කෙරේ.
ප්රේමලාල් විජේරත්න
