සජිත් ප්රේමදාස මහතා ජනාධිපති වීමෙන් පසූ පොදු ජනයාට අභිමානවත් ජාතියක් ලෙස නැඟී සිටීමට විද්යාත්මක ප්රායෝගික වැඩපිළිවෙලක් ශ්රී ලංකාව තුළ ක්රියාත්මක වන බව සජබ මාතර දිස්ත්රික් සංවිධායක කුමාරසිරි හෙට්ටිගේ පැවැසීය .Sri Lanka Latest News
මහත්මා ගාන්ධි නෙල්සන් මැන්ඩෙලා වැනි මානව හිතවාදී නායකයින්ගේ ගුණ සුවඳින් පෝෂණය වී ඇති නායකයෙක් ලෙස සජිත් ප්රේමදාස මහතා අපේ රටේ පොදු ජනයාගේ ආදරය නොමදව දිනා ගැනීමට සමත් වී ඇතැයි ද ඒ මහතා සඳහන් කළේය .
හෙට්ටිගේ මහතා මේ බව කීවේ ජනාධිපතිවරණයේදී සජිත් ප්රේමදාස මහතාගේ ජය තහවුරු කිරීම පිණිස ඉකුත් ( 8 ) වැනිදා දෙනියාය පිටබැද්දර සියඹලාගොඩ පැවැති සුහද හමු කීපයකට සහභාගී වෙමිනි .
එහිදී ඔහු මෙසේද කීය .
මෙවර පොදු ජනයාගේ ආශීර්වාදයෙන් ජනාධිපති වෙන්නෙ සජිත් මහත්තය බව පැහැදිළියි .ඔහුගේ දේශපාලන ගමන දුෂ්කරයි .අභියෝග රැසකට මුහුණ දුන්නා .පන්නරය ලැබුනේ රනිල් වික්රමසිංහ මහතා නිසාමයි .ඒ තරමට බාධා එල්ල කළා .සජිත් මහත්තයට නිසි තැන දුන්නා නම් එජාප ය අදත් බැබලෙන්න තිබුණා .අද එජාපයක් නෑ . ජේ .ආර් .මහත්තය රණසිංහ ප්රේමදාස මහත්තයට නිසි තැන දුන්නා .ඒ හේතුව නිසා එජාප ය ආරක්ෂා වුණා .රනිල් මහත්තයා මාමන්ඩියගේ ඒ දේශපාලනය ඉගෙන ගත්තේ නැති නිසා බරපතල අමාරුවක වැටිලා .
සජබය අද ප්රභලම දේශපාලන බලවේගයයි .සියලු ජාතීන් බහුතර පක්ෂ සංවිධාන එකතු වෙලා .
පවුල්වාදය මෙන් ම විවිධ පාවාදීම් නිසා පොහොට්ටු පක්ෂයටත් ශ්රීලනිපයටත් විනාශය අත් වුණා . සජබ ය වටා සැබෑ දේශප්රේමින් රට වෙනුවෙන් එකතු වෙලා .
රටත් ජනතාව ගැනත් අලුතින් හිතන්න නොහැකි නම් කිසිදු දියුණුවක් සිදුවන්නේ නෑ .වෝර්ෂෝ නම් දාර්ශනිකයා කීවේ රට ගැන අලුතින් හිතන දඩබ්බරයෙක් වෙන්න කියල .සජිත් ප්රේමදාස මහතා එහෙම නායකයෙක් .අඩු පහසුකම් සහිත පාසල් නව ලොවට ගැලපෙන ලෙස ඉක්මනින් දියුණු කළයුතුව ඇතැයි යන විශ්වාසයෙන් විපක්ෂ නායකයා ලෙස හිඳිමින් ම ක්රියා කළා .පක්ෂයේ අරමුදල් පොදු ජන හිතසුව පිණිස යෙදෙව්වා .රටේ ප්රශ්න වලට විද්යාත්මික ප්රායෝගික විසඳුම් සොයනවා .සජිත් මහතා ලෝකය සමාජය ගැන අලුතින් හිතන දඩබ්බරයෙක් බව පෙනෙනවා .ඒ නිසා රටට සුබදායි හෙටක් උදාවීම සිකුරුයි යැයි ද හෙට්ටිගේ මහතා සඳහන් කළේය .
දෙනියාය ශ්රිලනිප ප්රධාන සංවිධායක අනිල් වීරමන් මහතා -: අද රටේ වැඩි දෙනාගේ ප්රසාදය ඇත්තේ සජිත් ප්රේමදාස මහතාටයි .
ඔහු සාමාන්ය මිනිස්සුන්ගේ දුක හඳුනා ගන්න පුළුවන් නායකයෙක් .යහපත් ප්රායෝගික මිනිස්සුන්ට දේශපාලනය කරන්න තැනක් හදල දුන්නා .අපට අවශ්ය සංවේදී නායකයෙක් .
JVP යට රට හදන්න බෑ .ඒ අය එදා භීෂණයට එක් වූ හැටි මිනිස්සුන්ට හොඳට මතකයි .රටට ආදරේ සියලු දෙනා එක් වී සජිත් මහත්තය ජනාධිපතිවරණයෙන් ජයග්රහණය කළ යුතුයි .
