මෙරට තේ ආර්ථිකය කඩාවැටීම නිසා අහිමි වූ ආදායම ඩොලර් බිලියන 2.183ක් වන බව මේ පිළිබඳ කරන ලද අධ්යයනයකින් අනාවරණ වන බව පේරාදෙණිය විශ්වවිද්යාලයේ ආර්ථික විද්යා සහ සංඛ්යාන අධ්යයන අංශයේ ජ්යෙෂ්ඨ මහාචාර්ය වසන්ත අතුකෝරල මහතා ‘මව්රට’ට පැවැසීය. (Sri Lanka Latest News)
එය අන්තර්ජාතික මූල්ය අරමුදලින් ලැබෙන ණය ප්රමාණයෙන් 75%කට සමාන මුදලකි.
මෑත ඉතිහාසය තුළ වැඩිම තේ නිෂ්පාදනයක් වාර්තා වන්නේ 2013දී වන අතර, එය මෙටි්රක් ටොන් 3,40,000ක් පමණ වේ.
එහෙත් 2023 වනවිට එය 2,56,039 දක්වා පහළ ගොස් ඇති අතර, ඒ අනුව තේ නිෂ්පාදනය අදාළ කාලපරිච්ඡේදය තුළ 25%කින් පමණ කඩාවැටීමක් පෙන්නුම් කෙරේ.
මෙයට සමගාමීව රටේ තේ අපනයනයද විශාල වශයෙන් පහළ ගොස් ඇත.
2013දී අපනයනය කර ඇති තේ ප්රමාණය මෙටි්රක් ටොන් 31,9700ක් වන අතර, 2023 වනවිට එය 2,41,912ක් දක්වා 24%කින් පමණ පහළ ගොස් ඇත.
මෙම කාලපරිච්ඡේදය තුළ රටේ තේ අපනයනය පහළ යෑම නිසා අහිමිවී ඇති විදේශ විනිමය ප්රමාණය ඩොලර් බිලියන දෙකකට වැඩි බව මේ අනුව අනාවරණ වේ.
කෘෂිකාර්මික අපනයනය තුළ 50%කට වඩා ඉහළ ආදායමක් ඉපයූ රටේ තේ නිෂ්පාදනය මේ ආකාරයට කඩාවැටීම සමස්ත ආර්ථිකයට දැඩි ලෙස ඍණාත්මකව බලපාන බවද මහාචාර්යවරයා පැවැසීය.
ප්රේමලාල් විජේරත්න
