රට ආර්ථික අර්බුදයෙන් ගොඩගැනීමට හැකි සුදුසුම කණ්ඩායම සිටින්නේ සමගි ජනබලවේගයේ බවත් හමුදා නිලධාරින් ලෙස එම ක්රියාන්විතය සඳහා රටේ සිටින සියලුම ජනතාව සහ සියලුම ආරක්ෂ අංශ සමාජිකයන් එක් කරගැනීමට ඉදිරියේදී කටයුතු කරන බවත් හිටපු හමුදාපති මෙන්ම හිටපු යුද හමුදා මාණ්ඩලික ප්රධානී, ජෙනරාල් මහේෂ් සේනානායක මහතා පැවැසීය.
හිටපු හමුදාපති ජෙනරාල් මහේෂ් සේනානායක මහතා විපක්ෂ නායක සජිත් ප්රේමදාස මහාගේ වැඩපිළිවෙළට සහාය දැක්වීම සඳහා සමගි ජනබලවේගයෙ සමඟ එක්වූ අතර ඉන්පසු පැවැත්වූ මාධ්ය හමුවේදී ඒ මහතා මේ බව සඳහන් කළේය.Sri Lanka Latest News
මෙම අවස්ථාවට මේජර් ජනරාල් සමන් ලියනගේ (විශ්රාමික) , මේජර් ජනරාල් අරුණ වන්නිආරච්චි (විශ්රාමික) , මේජර් ජනරාල් එච්.එම්.යු.බී හේරත් (විශ්රාමික) , මේජර් ජනරාල් අතුල කොඩිප්පිලි (විශ්රාමික) , බ්රිගේඩියර් මංජුල විජේසිංහ (විශ්රාමික) , මේජර් ජෙනරාල් ප්රියන්ත නාපනාගොඩ (විශ්රාමික) , මේජර් ජනරාල් වසන්ත ජයසූරිය (විශ්රාමික) , මේජර් ජනරාල් එච්.එම්.එම්.බී හේරත් (විශ්රාමික) , මේජර් ජනරාල් නිශ්ශංක රණවන (විශ්රාමික) , මේජර් ජනරාල් සුමිත් අතපත්තු (විශ්රාමික) , මේජර් ජනරාල් උපුල් විතානගේ (විශ්රාමික) , මේජර් ජනරාල් සත්යප්රිය ලියනගේ (විශ්රාමික) යන මහත්වරු එක්ව සිටියහ.
එහිදී අදහස් දැක්වූ හිටපු හමුදාපති ජෙනරාල් මහේෂ් සේනානායක මහතා මෙසේ පැවැසීය.
‘‘විශ්රාමික යුද හමුදා ජ්යෙෂ්ඨ නිලධාරීන්ට වගකීමක් තිබෙනවා රට ආරක්ෂා කර ගැනීමට නැවත ඉදිරිපත් වන්නට. රට යම්කිසි අගාධයකට යමින් පවතිනවානම් එයින් රට ගොඩැනීමට හිටපු යුද හමුදාපති ලෙස මට වගකීමක් තිබෙනවා.
රටේ ආරක්ෂාවට වඩා ආර්ථික අර්බුදයෙන් රට ගොඩ ගැනීමට අපිට අද සිදුවෙලා තිබෙනවා. වර්තමානයේ තිබෙන දේශපාලන පක්ෂ වලට වඩා රට ආර්ථික අර්බුදයෙන් ගොඩගැනීමට හැකි සුදුසුම කණ්ඩායම සිටින්නේ සමගි ජනබලවේගයේ. ඒ සඳහා සුදුසු වටපිටාවක් සකස් කිරිමට සියලුම රටේ සිටින සියලුම ජනතාව සහ විශේෂයෙන්ම විරෝදාර යුද සෙබළුන් , නැවියන් , ගුවන් සෙබළුන් , පොලිස් නිලධාරීන් , සිවිල් ආරක්ෂක නිලධාරින්ට මේ සඳහා එක්වන ලෙස ඉල්ලා සිටිනවා.
විශ්රාමික ජ්යෙෂ්ඨ හමුදා නිලධාරීන් නැවතත් ලක්වැසි ජනතාව බේරාගැනීමට ඉදිරිපත් වෙනවා. සමගි ජන බලවේගයේ තමයි රටේ ඉදිරි පාලනය භාර ගැනීමට සිටින සුදුසුම කණ්ඩායම සිටින්නේ.
2019 දී මම නිර්පාක්ෂික අපෙක්ෂකයෙක් ලෙස ජනාධිපතිවරණයට ඉදිරිපත් වුණා. සජිත් ප්රේමදාස විපක්ෂ නායකතුමත් ජනාධිපතිවරණයට ඉදිරිපත් වුණා. 2019 දී ජනාධිපතිවරණයට ඉදිරිපත් වුණ ඇතැම් කණ්ඩායම්වලින් රටට සුගතියක් වන්නේ නැති බව අපි රටේ ජනතාව කිව්වා. නමුත් අවාසනාවට අපි ප්රකාශ කළ දේවල් ජනතාව පිළිගත්තේ නෑ. ජනතාව ඒ කණ්ඩායම්වලට අවස්ථාවක් ලබාදුන්නා. එයින් අවසානයේ රටේ සියලු දෙනාට දුක්ඛිත තත්ත්වයකට මුහුණ දෙන්න සිදුවුණා.
ඒ වගේම රට නැවත ත්රස්තවාදයකට , විප්ලවවලට , කැරලිකෝලාහලවලට තල්ලු වෙන්න පුලුවන්. ඒ වගේම රටේ ආර්ථිකය ගොඩගැනිමට අකුල් හෙළන කණ්ඩායම් රටේ දේශපාලනයේ යෙදී සිටිනවා. ඒ නිසා අපිට වගකීමක් තිබෙනවා රටේ ජනතාව මේ සම්බන්ධයෙන් දැනුම්වත් කරන්න. ඉදිරියේදී පැවැත්වෙන මැතිවරණවලදී අපිට වගකීමක් තිබෙනවා සුදුසුම කණ්ඩායම තෝරාගැනීමට. අපි දකින නිවැරදි කණ්ඩායම සහ නිවැරදි නායකත්වය තිබෙන්නේ සමගි ජනබලවේගයේ. ඒ නිසා තමයි අපි සමගි ජනබලවේගය සමඟ එකතුවෙන්න තීරණය කළේ.
රටේ ආර්ථිකය ශක්තිමත් කරන්න සහ රටේ ජාතික ආරක්ෂාව ශක්තිමත් කරන්න හැකියාව සහ දැක්මක් තිබෙන්නේ සජිත් ප්රේමදාස මැතිතුමා ප්රමුඛ සමගි ජනබලවේගයේ කණ්ඩායමට. විපක්ෂ නායක සජිත් ප්රේමදාස මැතිතුමා රටට වැඩක් කරලා පෙන්වපු නායකයෙක්. අපි ඒ සඳහා පූර්ණ ශක්තිය විපක්ෂ නායක සජිත් ප්රේමදාස මැතිතුමාට ලබාදෙනවා.‘‘
විශ්රාමික හමුදා සෙබළුන් ආර්ථික වශයෙන් ශක්තිමත් කරන වැඩපිළිවෙළක් සජබයට තිබෙනවා
‘‘රුසියානු හමුදාවට එක්වු මෙරට හමුදා සාමාජිකයින් සම්බන්ධයෙන් අපි විපක්ෂ නායක සජිත් ප්රේමදාස මහතා සමඟ සාකච්ඡා කළා. නීතිවිරෝධී මාර්ග ඔස්සේ රුසියානු හෝ යුක්රේන හමුදාවට එක්වී ශ්රී ලංකා යුද හමුවේ සිටි දක්ෂ සෙබළුන් රටට අහිමි වීම පිළිබඳව අපි කණගාටු වෙනවා. ඒ සඳහා වැඩපිළිවෙළක් අපි විපක්ෂ නායක සජිත් ප්රේමදාස මහතා සමඟ සාකච්ඡා කළා. රණවිරුවන්ව ඒ සම්බන්ධයෙන් දැනුම්වත් කරන්න අපි කටයුතු කරනවා. මෙය සම්පුර්ණයෙන් වැරදි කටයුත්තක්. විශ්රාම ගිය හමුදා සෙබලෙකු සමාජීය වශයෙන් සහ ආර්ථික වශයෙන් සිටියේ යුත්තේ කොතනද යන්න පිළිබඳව අපි වැඩපිළිවෙළක් සකස් කරලා තිබෙනවා. එම වැඩපිළිවෙළ අපි විපක්ෂ නායක සජිත් ප්රේමදාස මහතාව දැනුම්වත් කළා. ඒ වැඩපිළිවෙළට විපක්ෂ නායකතුමා කැමැත්ත ප්රකාශ කරලා තිබෙනවා.‘‘
