ඡන්දය තියෙනවද කියන සැකය ජනතාවට තියෙනවා. මොකක් හරි දෙයක් කරයිද? කල් දාන්න මොනවා හරි දෙයක් කරයිද? සල්ලි නෑ කියයිද? මේකේ නරකම තැන අපි කල්පනා කරමු. ඡන්දේ තිබ්බෙම නෑ. මොකක්ද වෙන්නේ? එතකොට ඇතිවෙන දේ තමයි ඡන්දය තිබ්බේ නැත්නම් 2024 නොවැම්බර් මාසේ 18 වැනිදා රටේ ජනාධිපතිවරයෙක් නෑ. ඔහු අස්වෙලත් නෑ. අගමැතිවරයෙක් නෑ. කැබිනට් එක අවලංගුයි. පළාත් පාලන ඇමැතිවරයෙක් නෑ. (Sri Lanka Latest News)
නාධිනායකයෙක් නෑ. හමුදාවට අණ දෙන්න කෙනෙක් නෑ. මේක හරි භයානක තත්ත්වයක්. මේක අරාජික වීමක් වෙන්නේ. එහෙම වුණොත් මිනිස්සු පාරට බහීවි. උද්ඝෝෂණ කරාවි. ඒ දේවල් සිද්ධ වෙනවා. රට අරාජික වෙනවා. ලෝක ඉතිහාසයේම සාමකාමීම අරගලයක් සිද්ධ වෙච්ච රටක් මේක. එවැනි තැනකට මේ රට තල්ලු වෙන්නේ නෑ, වෙන්න බැහැ. ඒ නිසා ඡන්දය තියයිද? ඔව් තියනවා. මේ සාකච්ඡාව තුළ පැහැදිලිව කිව හැකි එකම එක දේ රටේ පුරවැසියෙක් හා නීතිඥවරයෙක් හැටියට සැක සංකා තියාගන්න එපා ඡන්දය තියන්න ඕනේ. මේකට වෙන විකල්ප මොනවත් නෑ, ආණ්ඩුක්රම ව්යවස්ථාවෙන් දින වකවානු දීලා තියෙනවා. 1981 අංක 15 දරන ජනාධිපතිවරණය පැවැත්වීමේ පනතේ මැතිවරණය තියන්නේ කොහොමද කියලා තියෙනවා. ඒකට ජනාධිපතිවරයාට හෝ දේශපාලන අධිකාරියට මොනම බලයක්වත් නෑ. ඒක කරන්න ඕනේ රාජ්ය ආයතනය මැතිවරණ කොමිසම තුළින්. ඒක සිද්ධ කරන්නේ නැත්නම් කරන්නේ මොකක්ද කියන එක පිළිබඳ පැහැදිලිව තියෙනවා ඒකට විරුද්ධව නඩු පවරන්න පුළුවන්. 18 වැනිදාට ජනාධිපතිවරයෙක් නැත්නම් මේ රටේ ඇතිවෙන තත්ත්වය මම පැහැදිලි කළේ. ඒ නිසා ජනාධිපතිවරණය නොතියා ඉන්න බෑ. ජනාධිපතිවරයා ඉන්නකල් රට දුවන්න පුළුවන්. නමුත් ජනාධිපතිවරයා නැතිවුණොත්? හරි භයානකයි. ඛේදවාචකයක්.
ඔබතුමා ඇහුවා පාර්ලිමේන්තු මැතිවරණයද ජනාධිපතිවරණයද මුලින් තියන්නේ කියලා. රටේ ජනතාව මේ දෙකෙන් ඕනෙ එකකට ලෑස්තියි. හැබැයි මහ මැතිවරණය කලින් කැඳෙව්වා කියලා ජනාධිපතිවරණය කල්දාන්න බෑ. ඒක පැහැදිලියි. එතකොට ජනාධිපතිවරණය අනිවාර්යයෙන්ම ඒ කාලවකවානුව තුළ තියෙන්නම ඕනේ. ඊට කලින් මහ මැතිවරණයක් එනවා කියන එක ජනාධිපතිවරණය කල්දැමීමට හෝ ජනාධිපතිවරණයේ දින වෙනස් වීමට හෝ ආණ්ඩුක්රම ව්යවස්ථා සංශෝධනයකට හෝ ජනමත විචාරණයකට හෝ හේතුවක් නෙවෙයි. තියෙන්නේ ජනාධිපතිවරණයට පෙර මේක තියයිද, නැද්ද කියන එක.
නාධිපතිවරණයක් තිබ්බත්, මහ මැතිවරණයක් තිබ්බත් රටේ මිනිස්සු පිපාසයකින් ඉන්නවා තුන්වැනි ව්යවස්ථාවේ තියෙන තමන්ගේ පරමාධිපත්ය ඡන්ද බලය ක්රියාත්මක කරන්න. මේක විකෘති පාලනයක්. මේ විකෘති පාලනය තුළ රටේ දේශපාලනය විනාශයි. සෞඛ්ය පද්ධතිය, විදේශ ප්රතිපත්තීන්, ප්රවාහනය විනාශයි. විනාශ නොවිච්ච තැනක් නෑ. ආර්ථිකය විනාශයි. මිනිස්සුන්ගේ පොකට් එකට ලැබෙන මුදල්වලින් ජීවත් වෙන්න බැරි තත්ත්වයක් තියෙනවා. මේ කරුණු නිසා අරගලයෙන් ඇතිවෙච්ච ප්රතිඵලත් මත මිනිස්සු ප්රශ්න කරනවා. බය නැතුව නිලධාරීන්ව ප්රශ්න කරන තත්ත්වයට පුරවැසියෝ මේ රටේ හදලා තියෙනවා.
නීතිඥ හේමක සේනානායක
