2023 මුල් මාස 11 තුළදී රජයේ වියදම රුපියල් බිලියන 4,792 දක්වා ඉහළ ගොස් ඇති බවත්, 2022 වසරේ එම කාලසීමාව තුළදී රජයේ වියදම රුපියල් බිලියන 3,411ක් වීමෙන් පෙන්නුම් කරන්නේ 2023 වසරේදී එම වියදම රුපියල් බිලියන 1,381කින් පමණ ඉහළ යෑමක් බවත් පේරාදෙණිය විශ්වවිද්යාලයේ ආර්ථික විද්යා සහ සංඛ්යාන අධ්යයන අංශයේ මහාචාර්ය වසන්ත අතුකෝරල මහතා ‘මව්රට’ට පැවැසීය.
මධ්යම බැංකු වාර්තා පදනම් කරගෙන මෙම කරුණු හෙළිදරව් කරගෙන ඇති බවද ඔහු සඳහන් කළේය.
මේ තුළ වැඩියෙන්ම ඉහළ ගොස් ඇත්තේ පුනරාවර්තන වියදම්ය.
අදාළ කාලය තුළ 2022දී රජයේ ප්රාග්ධන වියදම් රුපියල් බිලියන 466ක්ව පැවැති අතර, 2023දී එය රුපියල් බිලියන 499 දක්වා ආන්තික ලෙස වැඩිවීමක් පෙන්නුම් කරන බවයි සඳහන් වන්නේ.
එහෙත් පුනරාවර්තන වියදම් 2022 අදාළ මාස 11 තුළදී රුපියල් බිලියන 2,845ක්ව පැවැති අතර, 2023 දී එය රුපියල් බිලියන 4,293 දක්වා වැඩිවී ඇති බවද දක්වා ඇත.
එනම් පුනරාවර්තන වියදම් රුපියල් බිලියන 1,345කින් ඉහළ ගෙස් ඇති බවද අදාළ ලේඛන සනාථ කර ඇති බව සඳහන්ය.
එහෙත් රජයේ ආදායම මෙම කාලය තුළ වැඩිවී ඇත්තේ රුපියල් බිලියන 851ක් පමණි.
රජයේ ආදායමට වඩා වියදම ඉහළ යෑම නිසා අයවැය හිඟය මෙම කාලය තුළදී රුපියල් බිලියන 1,601 සිට 2020 දක්වා ඉහළ යෑමක් පෙන්නුම් කරන බවද මහාචාර්යවරයා පෙන්වා දෙයි.
රජයේ වියදම් ඉහළ යෑම කෙරෙහි ප්රධාන වශයෙන් බලපා ඇත්තේ ණය සඳහා ගෙවන පොලී ප්රමාණය මේ කාලය තුළ වේගයෙන් ඉහළ යෑමය.
මෙම තත්ත්වය මත අනාගතයේදී ආර්ථිකය අස්ථාවර වීමටත්, බදු ප්රමාණය ඉහළ දැමීමටත් සිදුවනු ඇති බවයි මහාචාර්ය වසන්ත අතුකෝරල මහතා පෙන්වා දෙන්නේ.
ප්රේමලාල් විජේරත්න
