වයස අවුරුදු 18 ට වැඩි සෑම පුද්ගලයෙක්ටම බදු අංකයක් ලබා දීමට රජය ගෙන තිබෙන තීරණය ක්රියාත්මක කිරීම, හිතනවාට වඩා බරපතළ බවත්, ඒ සදහා තවත් දීර්ඝ කාලයක් ගතවනු ඇති බවත් සන්ඩේ ටයිම්ස් පුවත්පත වාර්තා කරයි.Sri Lanka Latest News
මෙම ක්රමය ක්රියාත්මක කිරීමට නම්, රුපියල් බිලියන 2.5 ක මුදලක් අවශ්ය බව දේශීය ආදායම් දෙපාර්තමේන්තුව මුදල් අමාත්යංශයට දැනුම් දී තිබේ.
ප්රධාන වශයෙන්ම, ටින් අංකය තැපැල් මාර්ගයෙන් එම අංකය ලැබීමට සුදුසු පුද්ගලයන් වෙත තැපැල් කළ යුතුව ඇති බැවින් ඒ සදහා වැඩි මුදලක් වැය වනු ඇත.
ඊට අමතරව, මෙම වැඩපිළිවෙළ ක්රියාත්මක කිරීම සදහා අවශ්ය මානව සම්පතද තමන් සතුව නැති බව දේශීය ආදායම් දෙපාර්තමේන්තුව පවසා තිබේ.
අවශ්ය මානව සම්පත සපුරා ගැනීම සදහා දෛනික දීමනාවක් ලබා දීමේ පදනම මත විශ්ව විද්යාල ශිෂ්යන් ඊට සම්බන්ධ කර ගැනීමට අපේක්ෂා කරන බව මුදල් රාජ්ය අමාත්ය රන්ජිත් සියඹලාපිටිය මහතා පවසා තිබේ.
ඒ අනුව, ටින් අංකය ලබා දීමේ වැඩපිළිවෙළ යම් සංශෝධනයකට ලක් කිරීමට රජය සූදානමින් සිටින බව පැවසෙන අතර, ඒ සදහා අවශ්ය කැබිනට් අනුමැතිය ලබා ගැනීමට මුදල් රාජ්ය අමාත්යවරයා අපේක්ෂා කරන බව ද පැවසේ.
කෙසේ වෙතත්, ටින් අංකය ලබා ගැනීම අනිවාර්ය කිරීම, තවත් වසරකින් පමණ පස්සට දැමීමට සිදුවනු ඇතැයි, දේශීය ආදායම් සේවා සංගමයේ ලේකම්, එච්.ඒ.එල් උදයසිරි මහතා පැවසූ බව සන්ඩේ ටයිම්ස් පුව්තපත වාර්තා කරයි.
