හිටපු ජනාධිපති මෛත්රීපාල සිරිසේන මහතා එජාපය සමග එක්ව පැවැති සන්ධාන ආණ්ඩුව විනාශ කිරීම මුල්කරගෙන ඔහුට එරෙහිව පොලොන්නරුෙවේ පොහොට්ටු පක්ෂය ශක්තිමත් කළ හිටපු රාජ්ය අමාත්ය රොෂාන් රණසිංහ මහතා මේ දිනවල වගා කටයුතු සිදුකරමින් සිටින බව වාර්තා වේ.
ඒ ජනාධිපතිවරයා විසින් ආරම්භ කොට ඇති “සෞභාග්යා” වගා සංග්රාමයට සමගාමීවය.
ඒ සම්බන්ධයෙන් රොෂාන් රණසිංහ මහතා තබා තිබූ ෆේස්බුක් සටහන මෙසේය.
‘මේ තමයි මමත් , මගේ ආදරණීය බිරිඳ දිනූෂත් , මගේ පවුලේ අයත් එක්ක එකතුවෙලා මීට වසර ගණනාවක ඉදන් පවත්වා ගෙන යන අපේ එළවළු ගොවිපොළ .හැමදාම මෙතනට එන වෙලාවට දැනෙන්නෙ පුදුම සතුටක් .මොකද අපේ අතින්ම වගාකෙරෙන එළවළු ආහාරයට ගන්න එක තරම් සතුටක් තවත් නැහැ.අනෙක වසවිසත් නැහැ සියල්ලටම යොදාගන්නෙ කාබනික පොහොර .මෙම ගොවිපොළ ආරම්භ කලදා පටන්ම මෙහි වගාකළ බටු, අමුමිරිස්, මෑකරල්, පිපිඤ්ඤ, කැකිරි. වැටකොළු ආදී බොහොමයක් එළවළු අපේ ගෙදරට ඇති ප්රමාණය තබාගෙන හැම කන්නයකම ඉතිරි අස්වැන්න අසල්වැසි හැමෝමටම නොමිලේ දුන්න.මේ පාර අස්වැන්න කොවිඩ්-19 නිසා අසරණව ගෙදරට සීමාවුනු පොළොන්නරුව ජනතාවගේ බඩගින්දර නිවීමට දීමට හැකිවීම ගැන මට තියෙන්නෙ සතුටක්.
අනෙක මම මේ වගාව කළේ ජල ගැටළුව , අස්වැන්නට සතුන්ගෙන් වන හානි ආදී සියළු දුෂ්කරතා මැද්දෙයි.මම ඒකෙන් කියන්න හදන්නෙ අපිට යමක් සාර්ථක කරගන්න අවශ්ය වන්නේ අපේ උනන්දුවයි, කැපවීමයි කියන එක විතරයි.
තව දෙයක් කියන්න ඕන මේක රත්තරන් පොළොවක්. ඕනම දෙයක් වගාකරන්න පුළුවන් . අවශ්ය වන්නෙ කැපවීම පමණයි.මේ වෙනකොටත් අතිගරු ජනාධිපතිතුමත් , අතිගරු අගමැතිතුමත් ක්රියාවෙන්ම තම ගෙවත්තෙන්ම වගා සංග්රාමයට එක්වෙමින්. “සෞභාග්යා” වගා සංග්රාමය හරහා ජාතික වැඩපිළිවෙළ ආරම්භ කරලත් ඉවරයි.
එනිසා සියළු රටවැසියන්ට මම ආරාධනය කරනවා අපි රටක් විදියට කොවිඩ්-19 වෛරස වසංගතය පරාජය කරනවා වගේම අපේ ගෙවත්තෙන්ම වගා සංග්රාමය ආරම්භ කරල රටේ හෙට දවස ජයගමුයි කියලා.’
