අයහපත් කාලගුණික තත්ත්වය නිසා තාවකාලිකව නතර කොට තිබූ ඉන්දියාවේ නාගපට්ටන හා යාපනයේ කන්කසන්තුරේ අතර මගී ප්රවාහන නෞකා සේවය පෙබරවාරී මස 01 දා සිට යළි ආරම්භ කෙරෙන බව ඉන්දීය “සිවගංගී “ නැව් සේවාව අද (9 ) නිවේදනය කොට තිබේ. (Sri Lanka Latest News)
මෝසම් සුළං ආරම්භ වීමට පෙර ඉන්දියාව හා කන්කසන්තුරේ අතර යාත්රා කළ ‘චෙරියපානි’ නැව් සමාගම ඉන්දියාව හා කන්කසන්තුරේ නැව් සේවාවෙන් මෙවර ඉවත්වී සිටින අතර, ඒ වෙනුවට ඉන්දියාවේ ශිවගංගී නැව් සේවාව ඔවුන්ගේ යාත්රාවක් මෙම සේවාවට එක්කොට තිබේ.
ඒ අනුව පෙබරවාරි 01 වැනිදා ඉන්දියාවේ නාගපට්ටන සිට උදෑසන පෙ.ව. 8ට සිවගංගි නැව ඔවුන්ගේ මංගල චාරිකාව කන්කසන්තුරේ දක්වා ගමන් ආරම්භ කරන අතර, පෙ.ව. 11.45ට එම නැව කන්කසන්තුරේට ළඟාවීමට නියමිතය.
එක් මගියකු සඳහා තනි ගමන් ගාස්තුව රුපියල් 26,000කි. එක් වාරයකදී කිලෝග්රෑම් 60ක බරක් සමග මගීන් 150කට මෙම නෞකාවේ ගමන් කළ හැකිය.
lankasara
