විශ්වවිද්යාල සිසුන් සඳහා ලබාදෙන මහපොළ සහ ශිෂ්යාධාරවලට වෙන්කරනු ලබන මුදල් ප්රමාණය 2020 සිට 2023 දක්වා 19%කින් පහත දමා ඇති බව හෙළිදරව් වී ඇතැයි පේරාදෙණිය විශ්වවිද්යාලයේ ආර්ථික විද්යා සහ සංඛ්යාන අධ්යයන අංශයේ මහාචාර්ය වසන්ත අතුකෝරල මහතා ‘මව්රට’ට පැවැසීය. (Sri Lanka Latest News)
ඒ පිළිබඳ වගකිව යුතු රාජ්ය අංශයකින් ලිඛිත තොරතුරු ලබාගෙන ඇති බවද ඔහු සඳහන් කළේය.
ඒ සඳහා 2020දී රුපියල් මිලියන 2,125ක් වෙන්කර තිබූ අතර 2021දී එය රුපියල් මිලියන 2000දක්වාත්, 2022දී රුපියල් මිලියන 1,825 දක්වාත්, 2023දී රුපියල් මිලියන 1,725 දක්වාත් පහත දමා ඇති බවයි ඔහු සඳහන් කළේ.
මේ නිසා විශ්වවිද්යාලලවල සිසුන්ට තම මහපොළ සහ ශිෂ්යාධාර නිසි අයුරින් නොලැබෙන තත්ත්වයක් නිර්මාණය වී ඇති බවයි වාර්තා වන්නේ.
එම සිසුන්ට මාස තුන හතරක කාලයක් එම ශිෂ්යාධාර නොලැබෙන බවද සඳහන්ය.
පවතින දැඩි උද්ධමනකාරී තත්ත්වය මත සිසුන්ගේ පොත්පත් මිලදී ගැනීම, ප්රවාහන වියදම් ඉහළ ගිය තත්ත්වයක් තුළ මහපොළ සහ ශිෂ්යාධාරවලින් ලැබෙන මුදල නිසි පරිදි නොලැබෙන නිසා සිසුන් දැඩි ආර්ථික අර්බුදයකට සහ අසහනයකට පත්ව ඇති බවයි වාර්තා වන්නේ. ඔවුන්ට තම නිවෙස්වලින්ද අවශ්ය මුදල් ඉල්ලා ගැනීමට අපහසුවී ඇති අතරම විභාග කටයුතු පවා කරගෙන යෑමට අපහසු වී ඇති බවයි සඳහන් වන්නේ.
මහපොළ සහ ශිෂ්යාධාර බොහොමයක් ලැබෙනුයේ ග්රාමීය ප්රදේශවලින් පැමිණෙන ළමුන් සඳහා බවද සඳහන්ය.
මේ පිළිබඳ විශ්වවිද්යාල ප්රතිපාදන කොමිසමේ වැඩබලන සභාපති චන්දන උඩවත්ත මහතාගෙන් මව්රට විමසූ විට ඔහු සඳහන් කළේ සිසුන්ට අදාළ මුදල් ගෙවීම සඳහා මුදල් ලැබීමේ ප්රමාදයක් ඇති බවත්, මුදල් ලද විගස එම මුදල් ගෙවීමට කටයුතු කරන බවයි.
ප්රේමලාල් විජේරත්න
