මහත් ආන්දෝලනයට තුඩු දී ඇති ක්රිකට් අර්බූදය සම්බන්ධයෙන් සොයාබැලීම සදහා පාර්ලිමේන්තු තේරීම් කාරක සභාවක් පත් කිරීමට අද පැවැති විශේෂ පක්ෂ නායක රැස්වීමේදී තීරණය කොට ඇත.Sri Lanka Latest News
මෙම යෝජනාවට කොන්දේසි දෙකක් මත එකගතාව පළ කිරීමට සමගි ජනබලවේගය තීන්දු කොට ඇත.
එම කොන්දේසි දෙක වන්නේ අදාළ තේරීම් කාරක සභාවේ ආණ්ඩු පක්ෂය සහ විපක්ෂය නියෝජනය කරන මන්ත්රීවරුන් ගණන සමාන විය යුතු බවත්, එහි සමසභාපති ධූරය විපක්ෂයට හිමිවිය යුතු බවත්ය.
කෙසේවෙතත් මෙම කොන්දේසි දෙකෙන් පළමු කොන්දේසියට, එනම් සම සාමාජිකයන් ප්රමාණයක් ආණ්ඩුවෙන් සහ විපක්ෂයෙන් පත් කිරීමට ආණ්ඩු පක්ෂය එකගතාව පළ කොට ඇති අතර සමසභාපතීත්වය සම්බන්ධයෙන් දෙපාර්ශවය අතර එකගතාවක් ඇති වී නොමැති බව දැනගන්නට ඇත.
ආරංචිමාර්ග සදහන් කරන්නේ රටට පිළිගත හැකි ආකාරයට සමසභාපති ධූරය සහ සමසමාජිකත්වය සමගි ජන බලවේගයට නොලැබුණහොත් පොහොට්ටු ලේකම් සාගර කාරියවසම් මහතාගේ සභාපතීත්වයෙන් රට බංකොලොත් කළේ කව්ද යන්න සොයාබැලීම සදහා පත්කළ කාරක සභාව ප්රතික්ෂේප කළා සේ මෙම කාරක සභාවද වර්ජනය කිරීමට එම පක්ෂය තීන්දු කොට ඇති බවකි.
