ලිට්රෝ ගෑස් මිල රු. 343කින් වැඩි වීම, ජල බිල වැඩි වීම හා විදුලි බිල 3 වැනි වතාවටත් ඉහළ දැමීමට රජය සූදානම් තත්ත්වයක් තුළ රටේ ජනතාවට ජිවත් වීමට නොහැකි තත්ත්වයක් උදා වී ඇති බව විපක්ෂ නායකවරයා පැවසීය.Sri Lanka Latest News
ආර්ථිකය විශාල කිරීම නොව ආර්ථිකය කුඩා කිරීම වත්මන් රජයේ ප්රතිපත්තිය වී ඇති මොහොතක ජනතාවගේ ආදායම් මාර්ග අඩු වී ඇති බවත් ඒ නිසා මිනිසුන්ට ජීවත් වීමට නොහැකි තත්ත්වයක් උදා වී ඇති මොහොතක ගෑස්, විදුලි හා ජල බිල වැඩ කිරීම අනුමත කළ නොහැකි බවත් විපක්ෂ නායකවරයා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද (5) පාර්ලිමේන්තුවේ දී ගැස් මිල වැඩි වීම සම්බන්ධයෙන් අදහස් දක්වමිනි.
සංඛ්යා ලේඛන මඟින් උද්ධමනය පහළ ගියා යැයි පැවසුවත් රටේ විශාල කඩා වැටීමක් ඇති බවත් පසුගිය වසර 12ට අලි 3765ක් මිය ගිය බවත් පසුගිය මාස 9ට අලි 291ක් මිය ගොස් ඇති බවත් සැප්තැම්බර් මාසයේ පමණක් අලි 20ක් මිය ගොස් ඇති බවත් මෙය මහා වන ජීවී පාරිසරික විනාශයක් බවත් මෙවන් තත්ත්වයක් තුළ වන ජිවී අමාත්යාංශයේ කුලිය ගෙවා නැති අවස්ථාවක විදුලි සෝපානය පවා නතර වී ඇති බවත් විපක්ෂ නායකවරයා පැවසීය.
එසේ ම ගෙවුනු පැය 48 තුළ පුද්ගල අතුරුදන් වීම් 11ක් වාර්තා වී ඇති බවත් ඒ අතර බාලවයස්කාර 5 දෙනකු සිටින බවත් වෛද්ය විරාජ් පෙරේරා මහතාට අනුව මේ රට කුඩු පාරාදීසයක් බවට පත්ව සොම්බි ඩ්රග්ස් යනුවෙන් අලුත් මත්ද්රව්යයක් ද පැමින ඇති බවත් විපක්ෂ නායකවරයා කියා සිටියේ ය. එමෙන්ම එක්සත් ජාතීන්ගේ සංවර්ධන අරමුදලට අනුව මෙරට 10න් 6ක් අවදානම් තත්ත්වයේ සිටින බව පවසා ඇති බවත් ලක්ෂ 221න් 123ක් අවදානම් වී ඇති මොහොතක රජය කිසිදු ප්රශ්නයක් නොමැති ආකාරයට කටයුතු කරන බවත් විපක්ෂ නායකවරයා පැවසීය.
කැබිනට් එකක් ලෙස හෘද සාක්ෂියට එකඟවද මේ ගෑස් මිල වැඩි කළේ යනුවෙන් ප්රශ්න කර සිටි විපක්ෂ නායකවරයා ඉල්ලා සිටියේ මීට වඩා ජනතාව සම්බන්ධයෙන් සංවේදී වන ලෙසයි.
